كلمات اغنية تشتي الذكريات احمد بدر

تشتي الذكريات كلمات

تشتي الذكريات تروي ارض مستقبلي

مديتلك ايدي زمان ولامره كنتي بتقبلي

احتياجي ليكي اتقابل دايماً برفض

اللي زرعته فيكي رديتي نقيضه بالظبط

أسف.مش قادر أقولها للأسف

الوقت ف عداد اعمارنا ولي وازف

واللي منك فيا فضل كره مواظب ع الحضور

سور كل يوم بيعلي و يحجب عن عيوني النور

مفيش أستجابه بعد فريد من الكأابه

بتجمع من شتات سؤال واتبعتر ع الأجابة

ليه عشان ببساطة الطبع غالب

طب والعشرة. في دهب قشرة والحياة تجارب

ده احتياج. وخوف وقلق ومشاعر حقيقي متعبه الحقيقة مؤلمة واضحة من كل الجوانب

كنت مصدق بيكي هنجح وانتي فشل علي كتفي ساند

شوفي نفسك فيا بس فيكي متلاقنيش

ماليش مكان ف حد علي وجع غيره بيعيش

سندتك سبتيني رجلي متلخلخه

كنتي القشه اللي قسمت ضهري و سابت روحي مشرخه

شوفي نفسك فيا بس فيكي متلاقنيش

ماليش مكان ف حد علي وجع غيره بيعيش

سندتك سبتيني رجلي متلخلخه

كنتي القشه اللي قسمت ضهري و سابت روحي مشرخه

تتفكك الحياة جوايا تتركب من عدم

خريف الروح سقاني من امطار الندم

زعابيب الذكري تهب متسبش في روحي بلاط

اللي اتبقي مني فيا يأس اتعجن احباط

نفسياً خلصان كنتي اخر مسمار ف النعش

فتتي مشاعري لبودرة مكانتش حمل طحنه

سلبتيني القدرة واستخسرتي فيا رصاصة الرحمة

مهزوم أتجمد بيا الزمن في محطتك

خسرت كل حاجه لما الدنيا قصادي حطتك

طوفانك ضرب الارض و انا للأسف مش نوح

جوايا باب بأيديكي أتساب علي جهنم مفتوح

انا أسف لنفسي بقيت أنعكاس بهتان

مكنتش اعرف إن جزاء الإحسان أحزان

علمتك العوم ف جبتيلي الموت في موج

الدرس المستفاد إن الحياة ملهاش كتالوج

شوفي نفسك فيا بس فيكي متلاقنيش

ماليش مكان ف حد علي وجع غيره بيعيش

سندتك سبتيني رجلي متلخلخه

كنتي القشه اللي قسمت ضهري و سابت روحي مشرخه

شوفي نفسك فيا بس فيكي متلاقنيش

ماليش مكان ف حد علي وجع غيره بيعيش

سندتك سبتيني رجلي متلخلخه

كنتي القشه اللي قسمت ضهري و سابت روحي مشرخه