كلمات اغنية تشوي كبود وتحرق الاعصاب خالد ال بريك

تشوي كبود وتحرق الاعصاب كلمات

ي أهل الصفر دوب استوى المسحوب

لازرفلت ثم أقرعت بالناب

في مهرجان الدوله المحسوب

يبا يجي ضحك وزعل وعتاب

وكحل العيون ومعه دحم جنوب

وحنا بني عم وربع وأصحاب

منافس أبطال ولفيح كعوب

والحصن ماتجفل ولاترتاب

اللاش عينه مثل عين الداب

زعل رفاعي فاللزوم ينوب

وليا حضر كفا عن الغياب

ياعنك ماعطا الواجبه عرقوب

ولاصك في وجه الرفيق الباب

كم وقفه منها يضيق الثوب

يبين وقت اللازم الغصاب

وجهه وجاهه يدرك المطلوب

ويسد دين ويعتق الأرقاب

سليل من يثني خلاف العوب

بن نيف عامر زاكي الانساب

وسامه الجرفه على الحنزاب

آلاد مدوح فزعه المسلوب

مجد يغيض ويفحم الكتاب

هل منسف ماهوب دوبه دوب

وهل حربه تفرا حشا الحراب

وهل الصويتيات والمنجوب

واهل المناوخ ساعه الانشاب

في حزة شيطانها مشعوب

جمع يقابلهم يروح أحزاب

اهل الفعول وفزعه المنكوب

فالحشوريه كسره الاجناب

وهل الوفا اللي مايشوبه شوب

والوجه الابيض والنقا الصباب

في وجيهم يلقى الدخيل دروب

قبل الزفلت وقبل قوقل ماب

واهل تلاد من عصر يعقوب

مادقه كناني ولابنجاب

بوش يطنف في قفر وعشوب

لاهازه الطماع دمه راب

صار الطمع في راسه المقلوب

من عقب ماهو صقر راح غراب

ترعى بهيبة محزم مكروب

وشلفا عشاها راس كل عقاب

صفرا لامنها تلت الجندوب

تتل قلب مورد الهياب

ماهي بخطوا اللي على الدبدوب

بيكور صفر زينها نهاب

فجنوبها لون الشقار يذوب

وعلى شعفتها زعفره وخضاب

لاومت مشاربها ورى المركوب

تشوي كبود وتحرق الأعصاب

كنك مصعطها من المشروب

والا توطا جمره المشهاب

ليا كنفها جمهره وجيوب

خفافها فالارض دق حراب

مروعات اللي تروع قلوب

من جابها عزالله انه جاب

يبرا لها جمع ماهو مغلوب

يبا يفوز وياخذ الالقاب

مروعات منقية زعل فهيد رفاعي الديحاني