كلمات اغنية تصفيه حساب الاخ واخوه ابو الشوق

تصفيه حساب الاخ واخوه كلمات

هحكي حكاية اخ عاق ابن حراام

من صغرو كان هوا واخوه ف بيت امان

والاب يملك مالفلوس كتير كتير

لكن ياعيني بسرعة مات عمرو قصير

والام راحت بعدو م الحزن عليه

سابت ورااه اخين ومال يعيشو بيه

عدت سنين كبرو قوام رغم الظروف

مع بعضهم يقفو قصاد اي خوااف

سن الجوز جابهم

واتقبلو بنصيبهم

فتحو بيوت بحلال

وربنا رزقهم

بالورث كان عارف

دخل الشيطان مخو

وضميرو مش خايف

دبر لاخوه خطة

عبارة عن رحلة

اخرتها تبقي الموت

يالهوي ع الخسة

اخوه واولاده

ليله ف الشاليه باتو

والاب عمل حادثة

واهلو في حريق ماتو

وبعد مده خد الميراث كوش عليه

فتحلو معرض سيارت وبقا بيه

خلف ولد وبنت اه عدت سنين

كبرو وبقو قوام شباب هيروحو فين

البنت ماتت جواه نار حادث حريق

والابن مات ف حادث سير علي الطريق

بعينو شاف وجع العزاب وبجرحو نام

شرب عشان ينسي

بس الوجع لسه

في قلبو مش بيروح

ودموع عنيه قاسية

في مكتبو وسكران

مش شايف كان عميان

دخل عليه واحد

مضاه ع الاطيان

سلم عليه وقالو

اخبارك ايه ياعمو

فاق الشيطان مصدوم

مالشاب كان منه

قالو بشبه عليك

ايوة انا ابن اخواك

االلي قتلتو زمان

فلوس وورث عموك

ابنك خبطته بالعربية نهيت عليه

حتي حريق بنتك انا خطت ليه

واقف الشيطان مجنون وتايه مالزهول

ايوة قتلت امك وابوك وعليك الدور

سحب السلاح وكان خلاص

ماسكو ف ايديه

ابنه وبنتو راحو قوام داخلين عليه

ايوة يا عمي كل ده ده كان تمثيل

علشان يعرفو ان جواك شيطان كبير

حساب ومتاجل

والشاب كان سجل

كل كلام عمو

وفجاة البوليس يدخل

شيطان وده تمامو

نهايتو اعدامو

والشاب عاش مبسوط

وسط ولاد اعمامو

اصل الحياة دايرة

اخرتها ايه زايله

اوعاك في يوم تاخد

حاجه ملك ناس تانيه

عيش راضي بنصيبك

ركز علي عيبك

رب العباد يرضيك

وعمره ما يسيبك