كلمات اغنية ثريا محمد اسامة

ثريا كلمات

كالعادة وصلت هي الأول و ادته رنة

متعودة انه بيطول هي تستنى

كل مرة نفس الموقف يتكرر الوضع

قربت تزهق منه و تفكر في ردع

بدات تنفخ في ضيق و تبص ع الطريق

فين احترام المواعيد بداية حريق

دايما بتيجي في المعاد و تبص في الساعة

ملتزمة في العلاقة دايما بالخضوع و الطاعة

بدات تتساءل ليه القواعد انها ترضيه

يتطاول هي تطبطب يزعق تقول مرسيه

واديه اتعود ع التمادي و هي تتحمل

ساعة الغضب يقولها امشي لو مش عايزه تكمل

في وقت عنفه و تهديداته تكون مضطرة توافق

تسمع كلام صحابها انت لازم تهاندليه

تسمع كلام امها انت لازم تدلليه

مش هستنى تاني ملخص اللي دار في راسها

اعذاره وكل تلكيكاته مش من اختصاصها

قرار نهائي تم بزوال القلب المتراقب

مادام مجاش في معاده يتحمل العواقب

ثورة جديدة ع الخضوع و الملك الاستعبادي

مابين عناد و بين متلازمة انت اللي بادي

الدم بيجري في العروق بتسيب الكافيه

رحيل مفاجيء موقف حدسية بوانكاريه

مش عارفة قامت عن قناعة ام حادث عرضي

مش عارفة ان كانت صح بس جزء منها مرضي

جزء تاني لسه بيتساءل في الخفاء

طب رد فعله عنف و لا هيكون احتواء

عقل غاضب قلب مرتجف اعصاب ورق

تفكير في الجي و المشاكل وايام الارق

مع كل كلاش بيزيد فقدان كل شيء مشترك

خطوة للامام رحيل مادي بدون تردد

وضع حد نهائي لكل مراحل التودد

هتعدي الشارع تاخد تاكسي و تنطلق ع المنزل

خطتها واضحة في التجاهل يتصل هتكانسل

حرارة الجو تقل يزيد اشتياقها للصيف

الكاميرا فوكس على رجليها نازلة من الرصيف

حالة من التشويش الذهني بتحاول تركز

رغم ان العقل داير حيرة ع العناد تتعكز

ايه ده الرؤية فيها خلط

صرير كاوتش شيفروليه بيحارب الاسفلت

اصوات صراخ و وشوش المارة بتتابع العرض

جسم طار ثواني قبل ما يتدحرج ع الارض

الروح بتفارق الجسد ثريا سابت الحياة

كل الخلايا بتستكين العقل يفقد محتواه

اتجمدت ملامح وشها بغضب مطول

حتى في رحيلها كانت قبله مشت الأول

قلب صافي لا ينفي دماغ غشيمة

عقل مزدحم مدي لكل تفصيلة قيمة

مخلصة بقناعة للفكرة القديمة

اتولدت في القفص فاكرة الطيران جريمة