كلمات اغنية ثلاب الفخر فايز الدوسري

ثلاب الفخر كلمات

يابنت فكري عجلي بالفرايد

البدع والم والقوافي سديده

حان اللزوم ولاعن الدرب حايد

ارهي بمزنك وامطري بالفريده

انصي محمد محتمي كل كايد

كريم سبلا ماحسب كم رصيده

عند ابو مطرف مسفهل البنايد

نسل الكرام اهل العلوم الرشيده

بيبان بيته شرعت للبدايد

مدهال حر يعجب الناس صيده

صقر لبس كسب المراجل قلايد

يوم الحديا صيدته ماتفيده

والعود الازرق والسنافي يزيده

الطيب ورثه والطناخه عوايد

سلم لجدانه بختم وشهيده

من روس قوم ماتهاب الحشايد

روس ال فهيد مطوعين العنيده

من عاد بقعا والسنين الضدايد

شاخت اسماهم بالفعول المجيده

مقهاتهم فـ القصر يوم الوقايد

يلقى بها الخايف امانه وعيده

ثلابي لابان وجه الشدايد

ياقف لها وقفة جبال مديده

ثلاب ثلاب الفخر يامزايد

عون الرفيق مزبنين الطريده

لاد الحبيبي لوجمعنا الشرايد

في مدح جل افعولهم مانجيده

اهل العشر واهل الفخر والعوايد

موروثهم وسم العصى بالحديده

ضرباتهم بـ الشيخ ولا عقيده

دواسر سادت على كل سايد

في نجد ولا في الديار البعيده

يالله عسى من ورثه في البرايد

جده وابوه اهل الفعول الحميده

وختامها صلوا على خير قايد

شفيع الامه عند كشف الجريده