كلمات اغنية جين الحمايا جفران بن هضبان

جين الحمايا كلمات

البارحه يوم ايسر الخط فاضي

والليل قمرا والخلايق مهيده

الزمت نفسي بالهدو والتغاضي

لين استوت توي بيوت القصيده

فوق افجح ماهو بينقل مقاضي

ينقل شجيع مايهادن حديده

نوعيته قد هددت بنقراضي

خلان عيم المويميات المويده

لاش زهومه كن ماهي بميده

قصيدتي تنصى سفير البياضي

طلق الحجاج ابو الخصال الحميده

زحل يعلي رايته كل حاضي

واليا احتضاها ماتخلا وحيده

زيزوم مستقبل وحاضر وماضي

لاصكت اصدوف الزمان الشديده

على الرفق سمح بشوش امغاضي

واليا بدا الماجوب نار وقيده

ون صار فعوال الرخوم انتفاضي

ولفت معاوين النكد بالوكيده

مايفلج الا صدر صف النكيده

يسند ثبوته فوق سبع الاراضي

عزم يخلي عيت العي سيده

حتى الشناح من العضال العراضي

كنه يدرجها على راحت ايده

هذا بن ذعفه ريف مضمى الرماضي

سعد سعد ياسعد منهو عضيده

صميدع يرجع به العوص راضي

من طيب هقواته وطيبه وجيده

الواجبه ماتبغي الا انقضاضي

مثل الرفق مايبغي الا نديده

خطوا ابلج مثل ابن ذعفه نهاضي

جين الحميا يطبخ في وريده

لاشاف في انس الحياه انحفاضي

شرع لي ابواب الحياه السعيده

جانيه عود للمراجل يحاضي

عود بجادي خصاله حميده

امن الفطاحين الشداد الغلاضي

بيض النوايا اللي نهاهم بعيده

يومن في علط ارماح اختضاضي

هذي مجيدات وهذي جديده

مدقالهم يملا البطون الغياضي

امن الكواسر والوحوش الحشيده

امن اشهران امبعدين الركاضي

ستر العفيفه والرباع المشيده

ايه اشهران امشرعين الحياضي

يوم القشر والموت يدعي حديده

ايه اشهران ولاعليها اعتراضي

قبيلت ياما انجبت من وليده

صبيهم يقلط على الموت واضي

ان عاش ابي ون مات نفسه شهيده

ايقولها اللي راسه اوناس شاضي

شاض لاناش القطب ذوب جليده

من لابت يوم اشذر السيف ماضي

ضيم العدا وسياد لريا السديده

امن اقحطان اهل ونعم والبياضي

ازحول نجد امطوعين العنيده