كلمات اغنية حارة اليهود زياد الدساس

حارة اليهود كلمات

سكتي ليه قوليلي اي حاجه غلطيني

اكدبي عليا قوليلي ان انتي حبتيني

قوليلي ان انا خسارتي ليكي كانت اكبر مكسب

اضحكي عليا قوليلي مخونتينيش و ده كله مقلب

بجد براڤو عليكي خليتيني مثقش في حد شاطره

مثلتي عليا الفقره دي مش دموع لا حاطه قطره

كانت بطله و مكانش يشرفني اكون بطلها

كانت هي اسوء عاده فيا فـ كان لازم ابطلها

بفرح ولا بحزن بـ ألف حاله و 100 ريأكشن

بخاف اقول تمام فـ كله يقوللي يارب دايما

معقول الحزن ده كله في قلبي رغم صغر سني

كرهت حياتي فـ لو عايز تنقذني اقتلني

و دي كارثه مشاعري زي مركب ملهاش مرسى

بالرغم اني طيب انا عاشرت ولاد آبالسه

لو روحت لـ دكتور نفساني هينتحر من اول جلسه

على ايه محسود ده انا لما بفرح حزني يسود

طب ليه المفروض اكون موجود و انا قلبي مش موجود

شوفت القرود بتضحك على موت الاسود

مسلم و للأسف نقيت حبايبي من حارة اليهود

2

مش مبسوط بلا امل زعلي لا يحتمل

احب تاني في مين و ليه ما تسكت بطل هبل

حسسني اني غلطت عشان حبيته فـ جرحني و حاسبني

ده انا نفسي مش حاببني ده انا نفسي زيك اسيبني

عندك حق انا لا اتحب ولا متسابش

بخسر نفسي و مبكسبش حزني زاد و فرحي كش

هش من جوه زعلي اتعاد و هو هو

و انا مش كويس بقيت كل اما انام بكوبس

شوفتك في حضني فـ اتأكدت ده وهم و انا بهيس

و ده مش طبيعي تكوني في ايدي و فجأة تضيعي

مش عدل يا حلوه اشتري بالغالي و بالرخيص تبيعي

فاكراني عبيط لأ ده انا في دماغي عفاريت و تاكلك

قلبي اتبنج مبحنش ولا هرجعلك

هعيش من بعدك و انتي هتفضلي تندمي

لو رجعنا لبعض هتبقى نايمه و بتحلمي

على ايه محسود ده انا لما بفرح حزني يسود

طب ليه المفروض اكون موجود و انا قلبي مش موجود

شوفت القرود بتضحك على موت الاسود

مسلم و للأسف نقيت حبايبي من حارة اليهود

2