كلمات اغنية حالات عمار حسني

حالات كلمات

ازيك انا مش شبهك مع اني زيك

دمي مالح زي بحر بلدي لو بغرق هموت بتريق

عسل و ضحكي يحلي مرارة اي قعدة

مع ان انا غامق و مطفي بس بشوف سعادتي فضحك سعادتك

جدع و عيلتي صحابي و كل ما املك هما

انسان بسيط بمعني الكلمه و قلبي ابيض و نفسي سالكه جدا

مبحبش الغلط و بفهم فالاصول شواف

ابن ناس ساعات لكن مش بنسي اصلي ان انا غلبان

ع قد حالي عايشها عشان مش حمل حمل العز

مع اني انا ابن ناس بس انا فهمان ان الفلوس بتهد

مش ناقص حاجه عيني بيملاها القليل و برضي

حظي شايل مني حبه بالتالي كنت بحب مرضي

مع ان انا ماذتش حد اذوني هنام زعلان مش كده

منايا افرح امي و اشوف اخواتي تمام

شيخ و بغني بتوه ف غلطي و برجع اتوب انا عايش بين حالات

انسان ب 3 شخصيات عايز خريطه لنفسه

كان هو هو و هو جمبه و هو ضهره و صاحبه

كان هو خصمه و ياما اتعاركو وياما مات

انا مجنون ف نظر الناس و مش ببالي انا ب حالات و حالات

انا اتولت باين الحته دي مش هنا

انا مش طبيعي اكون طبيعي بيعي مش هتفرق كده

بغني و مش بحب الغنا و كاره نفسي

تايه بيني و بيني انا توهه ولا عازف ولا عمار حسني

ازيك انا حد بتكرهه و بيحبك

حد ياما دافع عنك وقت ما السكاكين نهشت ف ضهرك

انا حد وحش ميشرفش بيستعروا مني

شوفت اذي م الناس كتير ف بعد اذنك سيبني لوحدي

راميني ف ضلك انا اخر حد فاضلك

كل الوحش كان ل توهه و كل الحلو كان ب اسمك انت

ليه رميتوا طوبتي بدري و سيبتو الشارع ليه وسخني سيبني

محدش صاحبي و خالصه الشغله معايا بظبطه

قبل ما ترسي هندقلها هلقي عزوه لو سموني فركه

ماتت اصولك انت بطولك اصحي انت بتتغفل

كله خيش و خنتاريش مفيش جدعان خالص دلوقتي

اخواتي يسدو عين الشمس لو هنروح ف داهيه

و لو خصمنا حاربنا شرق و غرب الاتناشر دي باقيه

مبحبش الراب مش بترازي نجم انا علم جيهتي

لو محدش يعرف اسمي كفايه رعبهم من سيرتي

انسان ب 3 شخصيات عايز خريطه لنفسه

كان هو هو و هو جمبه و هو ضهره و صاحبه

كان هو خصمه و ياما اتعاركو وياما مات

انا مجنون ف نظر الناس و مش ببالي انا ب حالات و حالات

انا اتولت باين الحته دي مش هنا

انا مش طبيعي اكون طبيعي بيعي مش هتفرق كده

بغني و مش بحب الغنا و كاره نفسي

تايه بيني و بيني انا توهه ولا عازف ولا عمار حسني

ﺍﺯﻳﻚ ﺍﻧﺎ ﺍﻛﺘﺮ ﺣﺪ ﻓﻴﻬﻢ ﺷﺒﻬﻚازيك انا اكتر حد فيهم شبهك

كنت جمبك لما كنت لوحدك وانا لميت الناس و شهرتك

هشيت دخانك وقت ما اتوسخت ب توهتك

خدت حقك من كل الي اذاك وزيادة و رجعو تحت رجلك

من بعد ما كنت لاشئ عرفت اني فين ما هروح انا هلمع

كل الي اتريق عليا من زمن دلوقتي مناهم ان احنا نتصور

محدش سلكلي و مع ان انا لوحدي اتكارت بدماغي

كل الي غنو حزين فالبلد نسخ مني مش اكتر مين فيكو عازف

اظن كفايه كده و فضو السيرة و خلصت

نجم جيلي و بكره تشوفوا و الايام اكيد هتثبت

محدش ينكر انا ضهري شال فناره

انا بطولي و انتي بكتره عازف مستقوي ب اوتاره

عملت قيمه ل ناس قيمتها تراب ف هوا

اظن انضف ايام حياتكم كانت ايامنا ايام ما كنا سوا

مش فارقه عمار ولا عازف ولا توهه

كنت عظيم ف كل حالاتي انا نور مع ان كل حياتي سودة

انسان ب 3 شخصيات عايز خريطه لنفسه

كان هو هو و هو جمبه و هو ضهره و صاحبه

كان هو خصمه و ياما اتعاركو وياما مات

انا مجنون ف نظر الناس و مش ببالي انا ب حالات و حالات

انا اتولت باين الحته دي مش هنا

انا مش طبيعي اكون طبيعي بيعي مش هتفرق كده

بغني و مش بحب الغنا و كاره نفسي

تايه بيني و بيني انا توهه ولا عازف ولا عمار حسني