كلمات اغنية حبيتك ليه عمرو حسن

حبيتك ليه كلمات

انا عندي ايمان

ان كلامهم صح ومظبوط

اني وانا بعيد عنك ميت

بس وانا ف قربك مش مبسوط

بيني وبينك مسافات ابعد من اي اتنين

كل اختياراتي اللي بدونك احسن بكتير

انما من امتى الحب بيبقى علاج

من امتى بياخد من الفايض يدي المحتاج

من بين اربعة مليار واحدة اخترتك

حبيتك وكمان قدرتك

الكلمة اللي بتخرج منك

اجمل من اي كلام مسموع

واذا غبتي ليالي بموت م الجوع

قصر الموضوع انك لعنة

وان انا ملعون

وان وجودك على قد ما طيب مش مضمون

وان مكاسبي معاكي مجرد تمهيد لبعادك وخسارتي

ساعة ما الناس امنت بيا انتي كفرتي

وبدال ما تكوني امان والناس

ومكان يفضالي ويسمعني

قررتي تكون زيادة خوف

ودراعي اللي تملي واجعني

وبقيتي العين اللي بتخدعني وبتبص طشاش

انا بتعاقب ليه على حبك

ديه حاجة الواحد ما اخترهاش

ملعون ابو قلبي اللي ندالك

واختار من دنيته وادالك

ملعون تركيزي في تفاصيلك

والظن اللي بييجي في بالك

ملعونة صوابع بتسكر

ملعونة الروح اللي تبكر

وتقوم من النوم تحلم بيكي

اقتلك ازاي

افصلك ازاي عن خطواتي وظني وشكلي

حبيتك ليه

وانتي مشاكلي وضربتي في الضهر

اديتك كل اللي يسبب فرحك

سيبتيلي اللي يحسس بالقهر

حبيتك ليه

بشوفك مصدر احلامي وفرحتي على ايه

ومصدق ليه انك دنيا

وبفكر ليه في دخولي عليكي في بيت واحد

انا اكبر احلامي وجودك

والنبي شوفتي غباء في غبائي

اكبر احلامي افتح عيني على حضورك

يا خي ابوه ده الحب اللي يخلي حضورك

هو امالي

انا عم الناس زينة الرجالة ف عين الكل

اجمل ستات في الدنيا اتمنوا سلام بالايد

قدك خمسين مرة احتاروا يخشولي منين

على ايه بلاقيكي انتي جميعهم

اشتري فيكي يوماتي وابيعهم

وافردلك قلبي تعدي عليه

حبيتك ليه

ليكي حق تزيدي عليا دلال

وتحسي بروحك فايقة جمال

وتزيدي في غلطك ميت مرة

مش مضطرة اكيد تراضيني مش مضطرة

ولا مضطرة تقدمي كرامات للي في قلبك

الغلطة على التاية جوايا عشان حبك

ويا افوق يا اهلك

اه يا قلب يا كلب يا شاري سراب

ومضيع في قلوب تستاهلك

حبيتك ليه

حبيتك انا ليه

ليه

شكرا

شكرا