كلمات اغنية حب المرازيق جفران بن هضبان

حب المرازيق كلمات

مابين قاف يشوش بي وفكرن يدوش

من يرضي البندري في الحاجه الي تبي

شعر الغزل ماهو اتلى الوقت بغلى الطروش

خليني اروح ياجمل لابسات العبي

تقول خل القوافي فوق صدري نقوش

لبسني احلى القصايد مثل لبس ذهبي

عطني من الي يكننه نظاف الجشوش

يالين ترجف قلوب البيض رجف كعبي

تناوشي خيزرانه والعبي والعبي

نظراتش احد من حدة عيون الوحوش

ومعنقش لا تلفتي معنق ظبي

لبيه يالوجه لامن سلهمت بالرموش

وجه بدويه على شامي على مغربي

وراي مسرا يعدونه وليل دغوش

يالاجنبيه امانه خلي الاجنبي

خليني اخذ نفس ومن اشقر التتن موش

واخالط الغيم وتبين السما وتغبي

كن اتعاطا من الاصناف صنف مغشوش

لو كان عنها مكرم لحيتي وشنبي

والله لا اجيهم لاجيهم زحف ولا حبي

عطوني الرمح وعنان دهما من كروش

وارخي شنقها على الشعار وانا بن ابي

مجودن بيرق العجمان وادحم واشوش

والله ماخليه لو اجث فوق ركبي

لا قلت لي بيت والعجمان قامت تشوش

زهدت في مال بن مكتوم حاكم دبي

اليا تذكرتهم حشت النواميس حوش

كن كوكب الارض كله كوكبي كوكبي

يامحمد العدوه ابطش دام كفك بطوش

تحزم اليا العضود ومنكبك منكبي

يسدنا من هل الشرفا صبي يهوش

ياذيبة الطايف لذيبة رماح اقنبي

وجهن تقطع شرر ماهوب وجه بشوش

ياحي ذا العين من عين الشجاع الابي

يامحمد اسرح عليهم مثل مسراح بوش

مع جريشان عقب الاسود الغيهبي

عزالله انك على الميدان ضويت بوش

عميت عيونن ماصلت يوم ذكر النبي

بوش لياقام يردع بالمطارق يطوش

ماتسمع الا اخت واخت اخذ العصا ياصبي

ان وقفن خوش واليا درهمن خوش خوش

تومي يديهن ليامنا ومينا العبي

تو الرعايا منازاهن سوات الطروش

ان روحت رحت واليا جات قلت ارحبي

تقول في ارقابهن من هدرليك الونوش

تسبيك من نفسك اليا عرضتلك سبي

على عراقيبها تبنا الحرار العشوش

الوسره الي تبي والمنكب الي تبي

مادق فيها هوارا واجعص من بلوش

اننتب عموقها من جد جدي وابي

وسايق اهل القنازع من خيار الطروش

كل قحزا من وراها حذف راس اجنبي

حنا سلايل عجيم مهدمين العروش

مافوقنا الا نبي ولا صحابه نبي

ماحن بحلف جديد ولقط من كل حوش

حنا سلايل هشام معرب المنسبي

لازارنا الي يمس البيت خلف الجيوش

ياحومة الموت حومي واقربي واقربي

اليا دنا الجمع جيناله بجمع يغوش

من خيرة عيالنا لين الجموع تهبي

ياكن سل الهنادي عقب حذف القفوش

تقول مسلولتن من بارق عقربي

جانا تقاضع عبيده مثل قضع الهروش

والي خلصنا منه والي سبينا سبي

ينهش معاصم يديهم كل ناب نهوش

هذا جزا الي يخالفنا على الي نبي