كلمات اغنية حدوته زياد الدساس

حدوته كلمات

كان ياما كان حد مازال بيبكي لحد الآن

كل يوم تعبان و مش ونسان كمان بينام قلقان

و يدعي يموت في كل آذان علشان يخلص من الاحزان

كان طيب و فاكر ان الدنيا دي زي الافلام

شافها و حبها و مفكرش في شئ وقتها

غير انه يضحي عشانها و يفضل بيحاول لأجلها

قالها مش عايز حاجه غير انه يعيش جمبها

و بعد فترة حبت غيره و قالتله اللي بينا انتهى

حاول يوصلها بـ ألف طريقه لكن معرفش

كل اما يحكي لحد بيواسيه و يقول معلش

سأل قلبه هل غلط لما عليها راهنت

عقله رد الطير لو كان فيه خير مكانش ساب العش

عقله رد دي كانت كدابه بتدعي الكئابه

قلبه قال متعودناش نرد اساءه بالاساءه

عقله رد دي كانت شمال و تستاهل تكون متسابه

توته توته خلصت الحدوته

حبيبتي حبت غيري و عايشه من بعدي و مبسوطه

توته توته حدوته مش ملتوته

مبقتش عارف انا اتعميت ولا انا حياتي سودا

2

كان ممكن بكل بساطه تقولي بتحبيه

مش تجرحي واحد ملوش اي ذنب و بيكي تعلقيه

نقصك مبيتخفيش عيونك كانت تحكيه

كنتي جميله جدا بـ الوش اللي انتي لبستيه

انا ماشي بزك ازاي حبنا يخلص ببلوك

كان ممكن تجرحي اي حد الا حبيبك زوز

شوفت منك ياما ذل و كنت بـ ضحكه افك

عادي طز مستاهلش انك تزعلي عليا

عملت كل اللي انا قادر عليه و اللي في ايديا

ملقيتش يوم تقدير و عشانك زعلت كتير

زهقتك عشان بغير فـ اخترتي تمشي و قولتي في داهيه

كل اللي فات ده ساب فيا علامات

معرفش ازاي و منين جيبت انا كل الثبات

قفلت الحسابات متخافيش انا قلبي مات

كل اللي حكيته عيشته مكانتش دي يادوب تراكات

توته توته خلصت الحدوته

حبيبتي حبت غيري و عايشه من بعدي و مبسوطه

توته توته حدوته مش ملتوته

مبقتش عارف انا اتعميت ولا انا حياتي سودا

2

اللي كنت بقول عليها بو عاشت بعدي و نسيتني

و اللي كنت بقول عليها روبانزل دي بـ شعرها شنقتني

و اللي قولت عليها ياسمين دي بالرخيص باعتني

حولت حياتي لـ فيلم رعب ازاي دي اميره قي ديزني

ازاي يا جني بقرب خطوه فـ تبعد خطوه

البقاء مش للي اخلص لا ده للأغنى و للأقوى

للي عنده فلوس و ثروه و عنده نفوذ و سطوه

محبتنيش و انا علاء الدين دي حبت علي ابابوا

كله راح عـ الفاضي خانتني و فادني بـ ايه اخلاصي

طالما انتي قلبك فيه حنيه طيب كنتي باصي

بسببك انا جرحت بنات كتير و عملت معاصي

تعبت من التفكير محتاج رصاصه في نص راسي

و التفكير مميت تعبت من كتر التشتيت

ستيتش مشي بكرة تشوفلها ستيتش جديد

مخوفاتي في شركة مرعبين لكن قدامها ضعيف

سلام يا بو من النهارده مفيش حواديت

توته توته خلصت الحدوته

حبيبتي حبت غيري و عايشه من بعدي و مبسوطه

توته توته حدوته مش ملتوته

مبقتش عارف انا اتعميت ولا انا حياتي سودا

2