كلمات اغنية حرب الحرايب جفران بن هضبان

حرب الحرايب كلمات

اطنخ يا راسي والحمايا فيك مثل الأكسجين

بالشعر تملك كل ماغنيت سلطه مطلقه

لو زادو الشعار في الساحه ياقل المبدعين

الشعر حبك وسبك ماهو لصمقه في لصمقه

اقنص ولا يروي عطش روحي سوا الصيد الثمين

ماهو بنا اللي لارما النشيان لكت بندقه

وانا على منهاج ابوي ومع دروب الاولين

عقب صبين لادعا الميقاف مابش عرقه

اللي يحسدون البشر واللي سعو بالتفرقه

عشنا وشفنا والحقيقه كلبونا مجربين

العود الازرق مايبين الا بعد ما تحرقه

جنب عن اللي لادعا الميقاف راسه مايبين

اللي على قول المثل مغسول وجه ب مرقه

سلم على اللي لادعا الميقاف عزمه مايلين

الاصوك اللي في فعول الطيب ماحدن يسبقه

خالد زبون الطايله خالد على الكايد عوين

حفيد عودا في فعول الطيب ربي وفقه

يرهي عليه المدح لا غنيت به ذرب اليمين

مافيه مجدن يهتيويه الا الوسيدي حققه

صاحب فعول موثقه ماهي علوم ملفقه

خريج مدرسة الأسد حامي حما حد العرين

عودا جزيل الفعل من قو المراجل يعشقه

غريب الضاحي وريث الجود والفعل السمين

ما تغيب شمسه عن فعول الطيب دايم مشرقه

ابوه ضاحي طيب السيره مقر الغانمين

يعجبك لامنه فعل والا تكلم منطقه

كريم وسنافي وطيب راس وحصان ورزين

مواقفه بين النشاما صادقه ومصدقه

الضاحي اهل الابل واهل الخيل من ماض السنين

من يجهل اغريبان يوم الحال والدنيا محقه

غصيبة الوضحاء خذاها والخلايق شاهدين

فيه موقفا فيه الشجاع يشوف حبل المشنقه

من حد مشذوبه ولينه لا بلاد الرافدين

ترعى بلا راعي لو تعدي حدود المنطقه

عاد الوسيدي دايم فعوله تسر الناظرين

في قمة صروح الفخر والعز يطرخ بيرقه

عزوة هل البلها دواهي حرب عوق الطامعين

نالو من المجد العريق المجد الاعظم واعرقه

حنا قبايل حرب دون ديارنا حصن حصين

يشوفنا اللي مايشوف يسمع بنا من به صقه

ماكر حرار وكـل حر نظرته للفرقدين

ما تمشي العوجا وهامات الحروب مدنقه

حرب الحرايب عزوتي فازو بها دنيا ودين

في كل ماقف لاحتما دايم نجي قد الثقه

ليا ارتفع صوت الحمايا والعزاوي صاملين

اطلق شنب وقت التحدي بالملاقا نحرقه

حرب الدول بمجادهم وافعالهم متصدرين

سيرة فخر وامجاد مابين العباد موثقه