كلمات اغنية حكاية وطن فاطمة زهرة العين

حكاية وطن كلمات

فاثنين ديسمبر فواحد وسبعين

راشد وقف جنبه وزايد بداها

وتلونت كل الصحف والعناوين

رفعو علمها عالي في سماها

توحدوا خلفه رجال وفيين

من روس قوم ما تبدل ولاها

اتفقو ان الحر ما يتبع اثنين

تبعو خطاه وبارك الله خطاها

وقبلها ابعشر في واحد وستين

استبشرت ارضه من اللي لفاها

حاكم حكيم حافظ الارض والدين

محمد الفذ الفخم احدر العين

ياخذ فخر منها وقوة عطاها

قوة نفوذ وحنكة القايد تبين

في كل أزمة بعد ربي كفاها

مرت سنين وزودت فوق خمسين

والله يجملها ويكثر عطاها

بعد الفضا مدري اهي ناوية لوين

بعد العطا من هو بقى من عداها

ما يبغض الطيب ماعاد الرديين

والا حسود قد تعب في ذراها

كل ما وصل لإنجاز وعد الملايين

ينظرها قدامه ويلطم وراها

من غرب ليوا لآخر الشرق فالعين

لشمال جلفار و النحوة حذاها

البيت متوحد وقادته وافيين

الرقم واحد ما نبادله باثنين

وطموح زايد كالنجم في سماها

نقسم قسم بالله عالعهد باقين

ما دامنا بقلوب تنبض غلاها