كلمات اغنية حكايتنا خلصت زياد الدساس

حكايتنا خلصت كلمات

زياد الدساس و شيرين - حكايتنا خلصت || Zeyad El-Dassas Ft. Sherine - Hekaytna Khelset

بحلفلك .. من بعدي مش هتلاقي حد في كتفك

ولا حد بعدي هيفضل جمبك ولا يستحمل كدبك

كنتي اوحش حاجه فيا لازم اعترفلك

مخسرتش حاجه اما انتي خسرتي اكتر واحد بيحبك

زي ما انتي .. ولا اتغيرتي ولا مره اتعدلتي

لما بعدنا رجعتي اسوء و كأنك يعني ما صدقتي

ده ذنبي .. كله بسبب طيبتي و هبلي و سذاجتي

مش قولت ان انا " نسيتك " .. ليه دموعي بتنزل دلوقتي ؟

كنت مُخلص ليكي و رامي حياتي بين ايديكي

اتنسيت كأني ما جيت ولا نزلت دمعه من عينيكي

ازاي كل اللي عملته عشانك ده ميطمرش فيكي ؟

تقتليني عادي .. ازاي طب و انا شوفتك حياتي !!

ده انا شوفتك عوض ربي ليا و عُمري الجاي و الآتي

كنت اعمى .. و اديني بتحاسب على اختياراتي

حتى لو هموت عليكي خلاص انا شيلتك من حساباتي

----

و بحلفلك .. هشيلك برا حساباتي

و مسموحلك .. تودّع قلبي و حياتي

و هوصفلك .. حبيبي ازاي هتنساني

و تعرف بعدي ناس تاني و ارشحلك

----

فضلت بسأل نفسي كل ليله مين قساها ؟

و ازاي تنساني بكل سهوله و انا مش عارف انساها ؟

انا في متاهه .. ده مش كلامها طيب مين ملاها ؟

طب ليه قولتيلي " بحبك " و انتي اساساً مش حساها ؟

ليه من البدايه فضلتي معايا و قولتي " هكمل "

حياتنا دي مش مسرحيه فـ ليه نكدب و نمثل ؟

كدبت لما قولت " نسيتك " انا مش عارف استحمل

بس كده .. كده خالصين .. ليه عشانك انا حزين !!

و انتي زمانك اصلاً مبسوطه ان احنا مفركشين

كده خالصين .. زياد و عاشرت ناس ناقصين

ياسمين دي بقت لـ ابو هشيمه مش لـ علاء الدين

افرح يا حزين .. و افهم قانون البني آدمين

لو معاك فلوس راجعين لو معاكش خلاص باعدين

جدعان و لو احتاجتينا في عز الضيقه سدادين

بس لو قولتيلي " نرجع " .. هسألك حضرتك مين ؟

----

و طمني .. عليك من وقت للتاني

و كلمني .. ده لو تحتاجني تلقاني اكيد يعني

بـ اصلي و ذوقي انا بعمل ..

لكن هتقوللي هنكمل .. لا اعذرني

----

اعذريني .. معرفتش اضحك و انتي بتقتليني

معرفتش ابان كويس نزلت الدموع من عيني

معرفتش امثل زيك لما كدبتي و عشمتيني

بينا حاجات مشتركه انا بكره نفسي و انتي بتكرهيني

بصره .. كنت فاكرك عُمر طلعتي فتره

كنت مميّزك LM و كلهم كليوباترا

كويت جروحي انا بـ سجايري و مش هعيد الكره

الحياة سلف و دين و هشوف في عينيك نفس الكسره

كل " وعد " .. طلع كدب .. حتى " بحبك " طلعت كدب

مكدبتيش في ايه ده انتي الشيطان لو هيشوفك هيسب

زمان قالوها " الرجل تدب مكان ما تحب "

و انا لو رجلي جابتني ليكي هقطعها و مش هقول " تعبت "

انا راضي اني ابقى خسرتك المهم كرامتي كسبت

قولتي " هفضل جمبك " و انا ملقيتش اي حاجه تثبت

غلطت عشان صدقت واحده في اول فرصه بعدت

متستنيش رجوعنا لبعض خلاص حكايتنا خلصت

----

متستناش .. حبيبي حاجات ترجعنا

عشان مفيهاش .. يادوب هنداوي في وجعنا

هنعمل ايه .. و من غير ليه

حاولنا و ربنا له حكمه موفقناش

----