كلمات اغنية حنا تقدمنا وقدمنا الحصان حسين ال لبيد

حنا تقدمنا وقدمنا الحصان كلمات

غنيت واالشاعر ليا غنى يجيب اللي يجيب

ماهوب حي الله يجيب ابيوت مايدريبها

جمهوري الغالي يعاتبني يقول اني اغيب

ومعاتب الغالين اقدرها واقدر طيبها

اما حضورن يلفت الانظار ويضد الحريب

والا الغياب افضل من الشرهه ومن تأنيبها

يوم اعتزل عن جمعة العالم من بعيد وقريب

بعض حضور مناسبات الناس ماوديبها

علة نحر كل العلوم الخايبه يحريبها

لو تدخله جناح مسشفى سليمان الحبيب

احتارو من العله اللي ماعرفو طبيبها

اهل النمايم والكلام الشين والشي المعيب

ماقول غير الله يقطعها ويقطع صيبها

رح علم اللي يحسب ان الذيب في بطن القلييب

الارض نعرف وش حصانيها ونعرف ذيبها

عموما الموضوع يفطن له ابو عقلن لبيب

بعض الاسامي ودي اراجع على ترتيبها

المسلمين يقاطعون اي شي يجي من تلبيب

بعض المساري تحرج المسلم لاجا يسريبها

مذاهبن معاد تدري شكها من ريبها

حنا تقدمنا وقدمنا الحصان اللي يهيب

كل الدروب اللي تجمل لابته يمشي بها

الاهداف نرسمها والى منا رسمناها تصيب

والبندق اللي تخطي الاهداف مانرميبها

يامبارك الذروه تقدم جعل حضك مايخيب

كل المراكز الاوله باذن الله انك تجيبها

في خدمة العالم تقوم وماتصد وماتغيب

معاملات الناس تنجزها وتكسب طيبها

هذا يبي اعلاج بالخارج وهذا مصتصيب

وهذاك متضايق من صدوف الليال وغيبها

من كثر طيبك حاول العاجز يدور فيك عيب

ولا لقى الا جود كفك يالكريم يعيبها

ماهو غريب ان طبت ياعد الروا ماهوب غريب

فعولك تسولف بها العربان وتهذريبا

اقدم وعينك عينك حر اقدم وقلبك قلب ذيب

فالبرلمان وقاعة المجلس نشوفك ذيبها

انت الحصان اللي يجمل دون شك ودون ريب

طاقه شبابيه وهقوات الرجال تصيبها

يوم اربعه ابريل تفرح ياعجب عين الصحيب

في دايرتنا الخامسه جتك الجموع ب هيبها

انت الطلب الاول ولو دونك ثلاثمية طليب

ادعس على ام جنييب لين انه يطيح اجنيبها

ربعك بني هاجر هل الردات والراي الصوييب

ترعى القفر ذيدانهم والقوم ماتقفيبها

هواجرن لاكلت الانياب فاليوم الغضيب

الروس نقلعها من الامتنان قبل انعيبها

فزعاتنا يسلم بها الكافر ويامن الغريب

يسلى وينسى مشكلة نفسه ولا يصخيبها

يشهد لنا عبدالعزيز الكنق في يوم ن مهيب

في حزتن يتعوذ الشيطان من تعذيبها

قمنا مقام يشرف التاريخ ويفرح به الاديب

لاسطر امجاد الهواجر وافتخر في طيبها