كلمات اغنية حنا شبوب الصياهد جفران بن هضبان

حنا شبوب الصياهد كلمات

يا صيهد منيف لك منا سفير ونذير

جوك نحطه لاجينا نار مولعه

حنا كبار الفعول ان جا النهار الكبير

يا اللي تبي تبيع عمرك في لقانا بعه

ماعندنا الا وجع كبدك وحوس المرير

كان الميادين شبت نار ومقنبعه

انقدم الراس الاصوك والمحيط الغزير

ضلع لو اهوا عليه النجم ما زعزعه

مهرك يا المجد مهما كلفه يدفعه

بيرق عتيبه ماهو فـ يمنا مداها قصير

بيرق عتيبه فـ يمنا هيلعن يرفعه

من يوم جا نعيس والصفرا ثمنها يطير

ما في بطون البنوك وفالعقار ارثعه

صمخ الملايين لا فهقه ولا فيه اجير

حاضر بـ حاضر وكاش وشيك يوقعه

حول له بـ حربة تفري وسيف شطير

نقوه وصفوه ماهي فزعات ومجمعه

من قدح زنده وراسه ما قدحه الشوير

ولا خذا من مصافيط العرب منفعه

قل للماري ماهوب هوين يطمعه

اقلط على الموت الاصرم والجحيم السعير

احكايتك خالصه ونهايتك موجعه

اتنافسونه وهو المنتصر فالاخير

متشطر من مقيض وعارف موقعه

على شداد الاماره استرح يا الامير

الشوط محرق وعسرات احرقتهم معه

يا نعيس لاتاوي ويانعيس ولاتستخير

من يبغي الميسم الحامي عطه واشبعه

ما انته بمساح جوخ ولا انت دهان سير

صميدع تضرب الكايد على مخذعه

صبحهم بـ محزم ناري وشر شرير

واصطفهم صف والهايب يصف اربعه

امنافسك لو يخلي راس ماله ثرير

ابعدت شدتك عنه وطاح في مقطعه

بكره يلوم المنظر والحكم والشوير

وتصحصحه من غياه الطامه المفجعه

هو ما درا انا شقا العايل وشر المغير

وامجادنا الها على كبد السما شعشعه

تاريخنا يهبد الزيف ويقب الهدير

ماهو يعرف الترزم كيف والهجرعه

ما مع عتيبه على لطم الاوايل خشير

ان ما قنع خصمنا دق الخشم يقنعه

حنا شبوب الصياهد والنجاح الكبير

من فضل ربي نجاحه باسمنا نصنعه