كلمات اغنية حنا ضنا مرزوق ناصر الطويل

حنا ضنا مرزوق كلمات

ليه يامحبوبة الشاعر وليفش تتركينه

لي ثمان اشهور ادور فالبحور وفالعدامه

وش بقى يابنت ابو زيد الهلالي تذخرينه

ياغرام اللي شكى قسوة غيابش ياغرامه

اقبلي مثل السحاب وخيمي مثل السكينه

واكشفي لي وجهش اللي فيه نور وفيه شامه

علميني شالغياب المر واعذارش سمينه

ومالش من الشاعر الا شوقه وكثر اهتمامه

عندي مهمة رفيق جعل يفداه الهلامه

المعارف تلزم الرجال وتكبل يدينه

والردي ماله مع الاجواد مشروه وملامه

ولا انا عند العديم اللي خذا المجد بيمينه

مستعد اداحم الدنيا على ظهر النعامه

رفقتن ماشفت منها لاشكوك ولاضغينه

لو يمد البن الاشقر كنه مزين كرامه

ربحه امن المرجله ودروبها دره ثمينه

والنعم هي والله اللي تثبت ليوم القيامه

جعل عين ماتحبه شبحها شر وغبينه

من بغض فعل السنافي ممتلي راسه رخامه

همل اللي لاتقدم فعله إخالف كلامه

عارف فالح وفعله والنشاما عارفينه

لو تدور ابه الدواير ماتخلف عن نظامه

في ذرا ملحم وريث العز ذباح السمينه

المديح اللي خلقه الله وهو مرفوع هامه

الاسد لامات خلف من يحامي عن عرينه

والله ان جده مخلف من يحامي عن مقامه

قمة المجد وعلوه ال شويعه معتلينه

قسمهم بالطيب كله ماهو بذروة سنامه

ترثة سليمان والتاريخ صحى نايمينه

يزبن المجرم عليهم ويتهنى في منامه

حن ضنا مرزوق ياسعد الرفيق ونوم عينه

في ذرا رفقة بني عمي ما تغشاه الندامه

ان زعلنا نقطف الارواح قطف الياسمينه

وان رضينا ألطف امن الما من بطون الغمامه

والله ان اللعب لعب اسلافنا بحد السنينه

في دجى ليل ماغير من حماياهم ظلامه

والقفر من شان ابلنا نازلينه نازلينه

ابلنا من فعل ابانا تهتوش كبر وزعامه

لجل جرعات الحنين ولجل مجد محتمينه

نذبح عيال الشيوخ ونذبح اصحاب الفخامه

يعشق الطاله ولدنا وتمثنا راحتينه

مثل عشق ابن الملوح فالعيوف ام اللثامه

ميزت فالعجمي الله ينصره ولايهينه

لابدا دحم المناكب شاف جوه وانسجامه