كلمات اغنية حنا لكم ياهل العوجا جفران بن هضبان

حنا لكم ياهل العوجا كلمات

لاحشرج الصدر مالصدورنا حشرجه

في حزة مالها ياكون شغمومها

طبيعةٍ ماغلبها طابع البهرجه

القومه اللي تنومس دايم نقومها

ياما رهجنا الخطر يوم الديار رهجه

ويش انت ياشوك طلحتها وبرشومها

ماهمنا اللجلجه لو كثرت اللجلجه

انظارنا للسما اللي تلمع نجومها

يالله ياللي عليك انظارنا تتجه

حتى لو ان السنين التاليه محرجه

ماتحرج محمد وسلمان زيمومها

هوماتهم خلت النمر الفروس نعجه

نوادر يشلع خضيرا السما حومها

والرابح اللي على منهاجهم منهجه

والخاسر اللي مشى في ساقةْ خصومها

وحنا لكم ياهل العوجا لاصار عوجه

لاشلت ثيابها الذلاّن فخشومها

والله مافينا على النهج القويم عرجه

نمشي على منهج الجدان وسلومها

وحنا دمانا تفور وماهي مثلّجه

دخيلها لا تضايق خاطره تبهجه

واخصامها فالملاقا ضاعت علومها

صف العدو من صلابه روسها تسهجه

انشد سيوف الحرايب وانشد سهومها

ما نتقي من ورى هضبه ولا عرفجه

ننصادم القوم عمد ونضعف عزومها

فعلٍ حقيقي ماهي بافلامٍ مدبلجه

ذا قسمنا والعرب كل ومقسومها

اعقولنا للوفا والطاله امبرمجه

والعسره نجيبها والصعبه نرومها

والحايل معلقه والدله محوجه

يوم العرب من عدمها ترقع هدومها

في راي شيخ ٍ يومٍ ان خيولنا مسرجه

وعيون الاخصام ماهي تهتني نومها

جدانه اللي ترد الغاوي وتفلجه

بمهندٍ ينسف القله وحلقومها

شيخ الشمل الاصوك ابن جلاله المتجه

ترثه شيوخٍ نباها يسبق ختومها

شيخة بني طلق في يمناه متوهجه

اللي صدر من طويل العمر مرسومها

الله رفع بدر في كل العلوم درجه

في حبه الناس والله ماحد يلومها

على كثر ماتجيه الناس ماتزعجه

يقضي مطاليبها لا كثرت همومها

والزابن يزبنه والمنسجن يخرجه

ويخلص المشكله لاجات من يومها

يفداه راسٍ نهار الضيق كنه احدجه

لا غلي سعر المراجل مافرق سومها

ولاّ بدر مايوقف وقفة التفرجه

يقلط على الكايده لا كبرت ثلومها

داخل مع باب ابوه وخارجٍ مخرجه

وابوه من روس قحطان ومن قرومها

فعايله في سجلات الفخر مدرجه

جعل السما فوق قبره تنشي غيومها

معلومات الاغنية

كلمات سعد بن شفلوت

اهداء للشيخ بدر بن علي بن جلاله

شيخ شمل قبائل بني طلق