كلمات اغنية خزامة الدواسر جفران بن هضبان

خزامة الدواسر كلمات

استدار الفكر وابعد بي من حدود المداره

لين صرت اصافح نجوم السماء لو هي بعيده

شاعر من دون واجب لابته تكثر عذاره

لا يسمي وقفته وقفه ولا قافه قصيده

درتن من دونها الموج المعاند والغزاره

تبغي القلب الجسور وتبغي الروس العنيده

والله ان فينا على الكايد من الماضي جساره

ما نوردها على جال المواريد الزهيده

لين ماخلى من اللي جاء يبي الاول شريده

حول محمد على الظفره وعود ب انتصاره

وابن ضاوي لا سرح ضوى الاوايل في رصيده

اجتمع قو النظر عنده وفي راسه نعاره

والحميه والمراجل من وريده لا وريده

ارجح من ربعي اللي مجدهم يوضي شناره

لا تقدم مثل اللابه وكفى له بديده

طبعنا لامن ضربنا القاع ثورنا غباره

هيبتن تنصى سنام العز والطالات سيده

يامحمد لا قرب خشم الفتيل من الشراره

علم اللي يحسب انا صيدتن من جيز صيده

لين يقفي يلعن اللي غره ويلعن عضيده

ياهل الدق العذر مرفوض في ذيك الزباره

لا احدن فالشوط لا منا حظرنا يرفع ايده

عندنا اللي من طمع في شوطها ذاق المراره

فاتن كنها تقول ل غيرها فرصه سعيده

جابها اللي فالنظر مهوب يطلب الاستشاره

دايم و عينه على العليا وهقواته بعيده

نادر من ربعي الخضران والقول اختصاره

الولد منا لا جاء فالموقف الكايد وليده

سلمنا قبل الحكم يصدر على العالم قراره

من حداه الجرم يذكرنا ويذكر يوم عيده

العصات وفعلنا الفارق مع العالم شعاره

فزعتن يفرح بها اللي تلوي الايام قيده

يكفي انا يوم نجد ينطح الغاره بـ غاره

من زبنا دونه الدنيا نولعها وقيده

من سلايل زايد اللي زايد في كل شاره

ف التواريخ القديمه و التواريخ الجديده

ماحدن سوى سواة الدوسري في حق جاره

من زعل يرضونه اهل العرف والاريا السديده

لا وسمنا له عصاه يسج من ربعه و داره

في ذرانا تهتني عينه بالايام الرغيده

ذكرنا مادام ذكر الله يردد فالمناره

فارق مادام باقي ف امة محمد عقيده