كلمات اغنية خمري مسلم

خمري كلمات

عطيني المايك و فتح الودن

ليوما جيت نمزك اللي توحش هاد الفن

الراپ مغريبي غادي نجبدو ليكم من وسط الكفن

اللي فكرشو العجين غايحزن و غانزيدو ما يعجن

الغلاب فالرواپا ماشي حقيقي

الصلابة و التمثيل فالسطوريات يا صديقي

شحال من واحد زرف راسو بغا يدخل فطريقي

ملي شافني حداه فالزنقة ولى غير متملقي

ما جاوبتكشي آ صاحبي حيت أنا ماشي پيدوفيل

فمك فم شيواوا فمي فم الكروكوديل

ملي كنراپي نتوما كتوليو غير تماثيل

الفلو ديالي دباح القوافي قنابل

موسيقتي تمزك الملائكة و حتى الشياطين

مرة نرپي مرة نغني مرة مخلطين

و ليوما جيت نخلع العبيد و السلاطين

صاحبي اللي بحالك في الروضة

صافي ماتو بلا عودة

كاع اللي غلط ما درك يعاودا

صاحبي راك في الصفحة السودا

مساكين هادو اللي غارو مني

مشاكلم كيف يحبسو فني

مابقاشي يراپي ولى كيغني

لاموني ثم قلدوني

على بالي تحلم تشطح فوق قبري

على بالي تحلم يتسالا حبري

ما يفنى فني إذا فنى عمري

سول كاع اللي ذاقو خمري

فراسمالك جوج سطورة

كتقارن راسك بالأسطورة

وهنا الخطورة حسن لك إنتبه للسبورة

أنا كنراپي قبل ما يبان فيك هرمون الذكورة

تعلم مني حسن ما تموت و انت حاقد

كاع اللي كان بحالك ضغيا بان و ضغيا انقرض

زعما غامض انت غير حامض

شداك تلعب فاهم و انت غير حافـظ

كلاشيت الدولة ملي كانت باقا مغولة

جيتو دابا لقيتوها لا قوة ولا حول

كتأنسپيراو من حياتي كتعاودو غير ريماتي

عادي حيت الراپ مغريبي فيه جيناتي

موسيقتي قاست الكل حيت أنا محنك

كنمزك خاك الصغير و باباك و حتى حناك

و كنعس أنا فالطوپ كنستناك

و كيف العادة غادي نخيب ظنك

صاحبي اللي بحالك فالروضة

صافي ماتو بلا عودة

كاع اللي غلط ما درك يعاودا

صاحبي راك فالصفحة السودا

مساكين هادو اللي غارو مني

مشاكلم كيف يحبسو فني

ما بقاشي يراپي ولى كيغني

لاموني ثم قلدوني

على بالي تحلم تشطح فوق قبري

على بالي تحلم يتسالا حبري

ما يفنى فني إذا فنى عمري

سول كاع اللي ذاقو خمري