كلمات اغنية درس ميتنسيش زياد الدساس

درس ميتنسيش كلمات

حبك كان ادمان و لسا للنهارده بحاول ابطل

مبقتش عارف احب بعدك قلبي شكله اتعطل

لوحدي بفضل بس لوحدي افضل

اخر حد وقف جمبي كان بيشوف مين فينا الاطول

و انت جمبي عشان مصلحتك متقولش عليا صاحبك

عملت فيها حاببني و ربنا يديم الاونطه

قالولي كله صدك و انا بيهم بتصدق

و في اول محطه قالوا مش هنكمل اركن يسطا

فضلت كل ليل بسأل نفسي اتسابت ليه

و انتي روحتي فين ده انتي اكتر حد خوفت عليه

سؤالي ملوش اجابه معرفش انا سألت ليه

لما قريبتي عملت كده الغريبه هتعمل ايه

جرحي لسا بينزف و ملوش لازمه الشاش و القطن

قلل من البني ادمين زود نيكوتين كتر في البن

بقالي 6 شهور و هي في دقيقتين عملت Move on

شكرا ليكوا علمتوني درس ميتنسيش

انا مش هحب حد ولا لحد غيري هعيش

مبقتش باقي على حاجه ولا باقي حاجه خلاص مفيش

اللي عايز يمشي يمشي مش هقوله متسيبنيش

2

مبتوحشنيش بكدب عشان محدش يشمت

بعمل تمام و بضحك بس كل صوري بتبهت

صوري ناقصه حد مش هيتعوض بـ حد

معقول بجد كله طلع كدب حتى الوعد

فاكرها في كلمه و مش بتسيب لساني سيرتها

كانت اكبر غلطه في حياتي فعلا ان انا حبيتها

مكانش ينفع مش بتحدف كتاكيت الحدايه

كان حزن ده ولا ضحك كان حب ده ولا شرك

انا شوفت قرود بتضحك على اسد محبوس في سيرك

كانت عامله عامله و كان بيبان ده في المعامله

لما قولت بحبك ردت و انا كمان و دي كانت مجامله

بتناديني ليه روحي للي حبيتيه

مش عدل اني افضل ابني في حلم و في ثانيه تهديه

دلوقتي بقيت وحيد انا حد محدش لي

مليش انا غير سجايري و اوضتي و قهوتي و الهاند فري

شكرا ليكوا علمتوني درس ميتنسيش

انا مش هحب حد ولا لحد غيري هعيش

مبقتش باقي على حاجه ولا باقي حاجه خلاص مفيش

اللي عايز يمشي يمشي مش هقوله متسيبنيش