كلمات اغنية ديزني زياد الدساس

ديزني كلمات

كانت كل إهتماماتي و إسمي في إهتماماتها بعده فاصله

حلفت بـ حياتي هتفضل و نسيت إني ميت اصلاً

فـ كده حلفانها فشنك .. اسد محبوس في سيرك

حزنت .. وقفني قدام مايكي يلا و دوسلي Rec

ضلمت و إنطفى البريق .. من ذنوبك انا برئ

يشهد ربنا سنين جمبك مفيش ولا كلمه تبل الريق

جيت وقفت في وش القطر عشانك كده انا جرئ !!

مكانش نورك نور ملايكه لا ده إنتي شيطانه و ده حريق

فـ .. انا قدرت و عفيت من كدبك إستكفيت

لو حُبَك دين فـ انا كافر بيه و لو كان مرض فـ انا خفيت

إنسي .. إزاي شيطانه تحِب إنسي و اقولك " حِسي "

كل ليل في أوضتي اعيط و اقول " كرهتك " و يعلى حِسي

إمتى يارب تاخدني بقى و اريّح و استريّح

دموعي مش كافيين !؟ .. عيوني صاحبت الكافيين

و بما إنك Fan ليا فـ زيهم عوزتي تشوفيني حزين

----

كئابتي بتميّزني .. معادش حد عاوزني

كانت بتغيظني لما قالتلي " ألف من يتمنى يتجوزني "

اصبحت عصبي و اي حاجه بترفزني

حياتي فيلم رعب و قلبي طفل بيتفرج على ديزني

2×

----

اسكت .. بس , كان حد فيكوا بيا حَس !؟

شيطاني ياما وَز , مريض ملوش تصنيف في علم النفس

راحت فين الحِنيه , لقيت قسيه اصل انا نحس

بت يا بت انتي يا جِنيه إزاي كان حُبك ليا مَس !!

لوحدي مليش صحاب ولا كانلي حتى فانز

ولا عايز ألقى كِنز ولا يحطوا اللوجو بتاعي عـ الكانز

مش عايز اتشهر .. انا عايز ابطل حتى اتقهر

و بكل طلاقه .. مش هيسمعوا عشان الباقه

ايه رأيك فيا و انا لابس في الكل مقالب شكلي ألاجه ؟

خلفت كل وعودها و مخلفتش وعودي

چَاني چِني .. چِني سعودي خد روحي و يا " روح " لا تعودي

مش هسامحك .. وقت ضيقتي إنت إختفيت في لمحه

قلبك إسود اوي .. - بيتهيألك ده اسوَد من الفحمه

مش هرجع .. عشان مكاني عندك زحمه

محبوكيش ما ياما شوفنا كلاب بتتصارع على لحمه

----

كئابتي بتميّزني .. معادش حد عاوزني

كانت بتغيظني لما قالتلي " ألف من يتمنى يتجوزني "

اصبحت عصبي و اي حاجه بترفزني

حياتي فيلم رعب و قلبي طفل بيتفرج على ديزني

2×

----

زهقت ؟ .. - لأ زوّد اكتر .. إتعاملت بـ 100 كراكتر

حبه تحب " يوچين " و حبه بيعجبها " فلين رايدر "

إستنيت الفرحه و اديني سنين مِتكدر

الناس بتحب الهلس و انا بقدّم فن فـ مش متقدر

في وجع قلبي " غاوي " و بشكي همي للقهاوي

خبريني يا ضَي عيني حياتك بعدي ايش تساوي ؟

هو الفرح حلو !؟ .. اصلي مشوفتش غير بلاوي

انا مش محمد الحلو فـ ليه حبايبي بيطلعوا لباوي !!

مش قولتي عليا إن انا كداب غشاش و بزئ !!

و ادي قلبي هاتيه و جدعنه مني خدي بداله خوازيق

انا كنت هادي ازاي بقيت شخصيه عنيفه ؟

اما تشير التراك ده اكتب " ممنوع دخول اصحاب القلوب الضعيفه "

مثلت إنها مظلومه .. قالت إنها " محرومه "

و انا بقيت كل اما اذكر إسمها بقول قبله " المرحومه "

شيلتك عـ الراس و كنتي شومه غراب بيحب بومه

خانتني يا عمو حسام لكن هقتلها مش هعيط زي سوما

----

كئابتي بتميّزني .. معادش حد عاوزني

كانت بتغيظني لما قالتلي " ألف من يتمنى يتجوزني "

اصبحت عصبي و اي حاجه بترفزني

حياتي فيلم رعب و قلبي طفل بيتفرج على دي