كلمات اغنية ذخاير شيوخ خالد ال بريك

ذخاير شيوخ كلمات

خضوعي وذلي وانكساري على الابواب

يارب وهبت ازكى النبيين منزلته

انا عبدك الخايف وانا عبدك المرتاب

وانا اللي غرق بذنوبه اللي مكبلته

تحت ظل عفوك مانعيش الحياه اغراب

ليا من تغرب عاشق اللهو مشكلته

ابي سترك الضافي وابي جودك السكاب

وثبات يعين العبد في عز معضلته

تقول الهوا معه المشاريه مرسلته

توجد وليل وغيبة الشاهد الأسباب

وكلام ياوجدي لو اقوله ولا قلته

يا غياب مامليتوا الهجر يا غياب

انا الصبر يشهد خالق الخلق ما احتلته

اببكي على الاطلال واعاتب الاحباب

واجاوب حمام الدوح في كثرة اسألته

قصيدي ثمنه اكبر من المال والإعجاب

يا متسولين المدح سوقه قلب فلته

يبي اللي مثل شروا علي زاكي الأنساب

ابن مروي اللي تروي الكبد مرجلته

نماري بصيته وانتومس بـ طايلته

صحيب ليا منه وقف يخطف الألباب

مقام يجمل والعزايم مجملته

ماهي صحبة اللي صحبته فص ملح وذاب

من القايمه وسجلها المعتمد شلته

من مرافق النماك ومقابل الكذاب

شرف صدتي من فضل رب الملا نلته

يابن مروي اللي سيرتك تتعب الكتاب

عنان السما بامجادك الطايله طلته

لك اسم ثقيل يجري الهايب اليا هاب

يقطع به الفرجه وينسيه عايلته

ليا صار داعش باسمه يساند الارهاب

ابن مروي اسمه تحسب الناس لـ زعلته

ذخاير شيوخ فاللقا تكعم الحراب

لهم نجد يشهد جوه اللي مزلزلته

هم الاد حافي مارثة جدنا عتاب

على دربهم ذيب السراحين مشغلته

مايلقا مجال انه يحك القدم بالناب

غنايم شلاوي الكافرين متورسلته

بني عمنا اللي صيتهم يكسب الإعجاب

عدود الفخر والمجد والطيب ناهلته

يطول الكلام وفعلهم ماعليه حجاب

يبي يتعب الشاعر بشعره وراحلته

يارب المنيب اللي تمادى وهاب وتاب

ذنوبه ماهيب لجنة الخلد مدخلته

هنا الدمعه اللي فوق مصحف وفي محراب

يشاكي بها عبد لياليته طاولته