كلمات اغنية ذيبنا لامن عوى يدعي خويه فهد بن فصلا

ذيبنا لامن عوى يدعي خويه كلمات

حي فال الي صمل وعتنق صم الجبال

تضربه بقعا وعزمه يناظر هقوته

يضحك وشبحه بعيد ٍ وصلّح له دلال

يحتمي له صاحبه // تحتمي له عزوته

العهد مايمسكه رجل يدخله الخمال

العهد يبي له ارجال تحفظ حرمته

من صعد طويل قمّه تراعيه الرجال

سيرته بين المجالس ينومس عزوته

زحمة الضيفان لا منه اعلن حفلته

كم فقيرٍ موتته احزنت شرق وشمال

كم غني تقسّمت عقب موته ثروته

والهقاوي كلٍ ايقول انا صعب المنال

يحسب العليا مثل لبس خامت غترته

المواري توهمه كنه اوسيع المجال

والشدايد تظهر الرجل وش هي قدرته

يوم رديان النصيب اختفا وجه الهلال

واظلمت وقام كلٍ يهارش خشته

جعل حظّه يرتمي عند رجلين الزحال

لاقبلت سود الليالي خبط في خطوته

ذيبنا لامن عوا يدعي خويه

العمايم لبسنا والنار حيه

ضيفنا كنه ملك امره مطاعي

لاوقفنا نركز افعولن عتيّه

لجلجت لطبولنا صوت الدواعي

اشهد اني محتزم بالصيرميه

لانتخا رجالنا ؟ نفزع جماعي

والعدو لامن زعل وبليس اخيّه

يبشر بزود الوجع نصف الصداعي

نردع اهل الكيد واهل العنجهيه

ضربنا عتيم في يوم الوداعي

لانتهضنا نرجف اقلوبٍ قويه

والجبان الي يجنبنا شجاعي

عيب منّا نذكر اخبار العطيه

ماتمثلنا على منهج صناعي

نحفظ الميثاق بكفوفن نديه

مانخون اليا دعا للداع داعي

زعفر دلالك والتمر ينقط عسل

شب المباخر عود ريحه كمبدي

واشعل شبوبٍ يقدح براس العدل

يفوح ريحه والعمس منه يغدي

الحفل توه والوعد يم الحفل

ذب العمايم وارفع الصوت الندي

في حل ابن مرشود والقاف اكتمل

عثمان بن عبداللطيف الماجدي

اخوان سعده طيبهم مضرب مثل

العلم نبراسه مثل نجم الجدي

في صحصحٍ مليان حبره للسجل

لا ماغفا عنهم سواد السرمدي

الحمل حمله والثقل فوق الثقل

يشيل حمله جعل يفداه الردي