كلمات اغنية رابع وتر عمار حسني

رابع وتر كلمات

سبتلك جوابات كتير ف السما

امانه عليكي متكسريش بخاطري عشان ربنا

مش قصدي اضايقك انا راجل بفهم ف اصول

وان كنتي انتي مش عايزاني اكيد مش همسك فيكي الحب يغور

صعبان عليا نفسي عشان بحبك

عشان قللت مني كتير علشان مشوفش زعلك

عشان عدت سنتين و لسه بتعب لما

بلمح اسمك مطفي ف شات قديم او واحده شبهك جمبي ماشيه

سايق عليكي النبي بلاش تقولي نصيبنا

مش هيبقي كسر بنفسي و كدب كمان يا جدعان احنا تعبنا

محدش غصبك خالص كان ممكن ع فكره نكمل

بس انتي الي زهقتي مني و العيب كان عندك و مش عندي

عيبتي فيا و كنت بقول دي ست الناس انا كنت وحش

و هان عليكي سنينا و سلمتيني ف حرب

كنت بحارب فيها عشانك انتي و كتر خيرك غلطي بردو

و احلف برب السما محدش اتاذي غيري

كل دول بيقلدو تعبي وربك بدعي ما يبليهم بنصيبي

انا بسهر ب الايام و النوم وحشني و شكلي عجز

لو هقولك سني عشرين سنه هتفتكرني بكدب

هلك جسمي بيحكي ان انا تعبان و ساكت

خدت ايه من حبك غير وجع قولون و صداع مزمن ف دماغي

انا نمت ياما معيط و اتمنيت اختفي

وحياة كل دمعه وقعت ع صورتك بكره تجيلي و اندمك

و انا بردو وحش كان في بنت جميله مني اتاذت

قربتلها عشان انساكي و سيبت ايديها عشان مش شبهك

كده خالصين اظن استاهل وجع قلبي

و اعتبري التراك ده هديه مني عشان تتبسطي و تشوفي تعبي

بكفايه بلاش وعود و النبي عشان هرجع لوحدي

و اخوك بيتعشم ف الناس ومحدش وفي بوعده معايا ف سيبني

مكنش معايا فلوس تكفي ف اسمحي النهاردة اهديكي

عدت سنين ع اكتئابي و حالتي اسوا

كل الناس فحياتي كانت فتره و كله جه ضايقني و روح

صنفني حد نادر مرضي حير الدكاتره

ولا منوم نعس عيني ولا المسكنات دي نافعه

ما بين رموشي و خدي ضلمه تعمي الاعمي

عازف حب بنت جميله بس حزينه كات تشبه كمانجا

و كات علاقتنا جميله لفتره و اتشاركنا الزعل

بس هي تعبت مني اكمني كئيب و الوتر اتقطع

و اديني رجعت حزين لوحدي و خايف احتاجلها

قد ما انا فرحان بفرحها قد ما كنت مشتاقلها

و جلال الله انا فيا تعب يكفي بلد و اكتر

مش عشان ساكت دا ميغركش انا جوه مني جهنم

كل الي كتبته مبيوصفش حاجه لسه

بتسمعني فدقايق تتعب اومال لو مكاني تخيل انت

انا حالتي زفت حقيقي و كل يوم بسوء و بكتم

عارف اني هموت صغير او هنتحر او هتجنن

و انا عايش بس عشان مكسرش قلب امي

ومع اني مطلع عينيها و خيبة امل بس هتزعل مني

و كان كانت بتخلص كل شئ حبيته

صاحبي الي مات مدمن و بيتنا و الضحك الي زماني نسيته

كان مفروض انهار من بدري بس مكنش في وقت

وحملي تقل شيلة كتفي اكمني لوحدي جدا وماليش حد

عايروني بزعلي الي انا زعلته زمان عشانهم

قالو عني مبشرفش و نكدي و فاشل مش لايق مقامهم

حلمت بيكي من كام ليله كنتي جميله

كنتي لابسه فستان كنت بحبه زمان و كات غريبه

كانت ف عنيكي لمعه نور مشوفتهاش من يامه

و افتكرت ايام عشقتك فيها و قلبي داب بهوانا

يا ست الحسن انا اسف اني مش هنفعك

كنت مقدر قيمتك غاليه و انتي شوفتي قيمتك حبة دهب

قليتي مقامي وانا مقامي عزيز عليكي

يعني لو انتي اميره بنت وزير ف انا ابن اسياد سيدك

وحياة برود ديسمبر قلبي تلج حزن

ممكن ننسي البعد حبه نقص من فراقنا مشهد حضن

انا بستسمح نصيبنا ف صدفه اشوفك مره واحده

لو مفهاش مؤاخده ممكن اسلم و المسك و ههدي

و لو ضحكتي كتر خيرك وعد ممنون ليكي

مش هضايقك تاني انا كل املي اطمن بس عليكي

طب بصي فنجان قهوه سادة ع كافيه ع البحر

مش بحب مرارة القهوة بس بعدك كان امر

و وعد انا مش هقرفك بحكاياتي و نكدي

هفضل ساكت بتفرج عليكي لحد ما نيجي نمشي

انا اتوحشتك و الليالي منستنيش ملامحك

انا رسمتك ياما وكل ليله بكلمك ف رسمي

حتي انا كنت بكلم ناس و اتخيل فيهم شكل وشك

كل واحده عرفتها بعدك كنت احكيلها ياما عنك

كان صحابي زهقو من سيرتك و من كتر حكايتنا

و كله قال فوكك و انساها هي قالتلك انها نسيت

انا عرفت حريم تدوب الجدعان و تجيب اجلهم

و انتي بردو كنتي غيرهم و انتي بنتي غصب عنهم

كنت بشوف طيفك ف الناس و كنت قربت اتجنن

حتي بيتنا شايل ريحتك كل حته كانت واخده منك

كان سيرتك بتحرق دمي بس بتهديني

بسمع اسمك بتعكنن شويه لما مش بلاقيكي

و بقول ايام هتعدي اكيد هتعقل بكره

و بكره عدي وبعده عدي و بدل سنه اتنين ف غربه

و انا تعبت من وحدتي و تعبت م الاغاني

و من لمتهم الفشوش و من صحابي و من دماغي

خد حياتي و هات حياة مفهاش سهر و تعب

خد حياتي و هاتلي عيشه معاها يومين ف راحة بال بالعدد

اظن دي الرساله الميه الي انا بكتبها

كل مره بسكر بكتب ليها رساله ولما بفوق بمسحها

كل الكلام اتكتب مليت خلاص من سيرتك

كات دي قفلت كل رساله وبكره هسكر و اكتب عنك