ربوع جنيف
خالد ال بريك
ربوع جنيف كلمات
من ربوع جنيف يبدع فكري ويبحر خيالي
وسط روض دربها ماهو بمحتاج لدليله
جعل وبل فوقنا يصب في نجد وحوالي
نجد ويعم الحيا وادي الرمـه ويسيل سيله
اضرب فجوج الديار الين ما يرتاح بالي
وا تبسم لا طرالي عنق منسوع الجديله
في مقاببل الليال وبين حلي و ارتحالي
شاعرك هايم معك ماهو بكل برق يخيله
لي بعض حلم وطموح وقدمي الطرقه طويله
امتجود فالمبادي لين ما طلت المعالي
وما تناسا لا مبادينا ولا سلوم القبيله
لو تضيق فجوج الارض يكفي ان الراس عالي
ماش شي اكبر من اسم العود يومني اشيله
محاضي صيت ورثته صيتا من العيب خالي
وحافظ اسمي وماء وجهي من دروب الفشيله
وما تناسا وقفت الطيب وكل رجل سعالي
والله ان اعيش لين اموت في رقبتي جميله
وكل عايل نلطمه ونذود من دون الموالي
لارحم جد الضعيف وراعي النفس الذليله
ذا حزامي ومسندي يوم الوغى يفرق صهيله
فارقن كنه ظهور سهيل في سود اليالي
كل حمل يعسر متون النشاما يرتكيله
ايتنصى الموت لامن كلحت ولايبالي
بادت ظروف اليالي منه ولا باد حيله
زم بشتك وافتخر واعرض بسيفك يا عقالي
يا بعد منهو ما يسوا قيمة البشت ويشيله
طاب فعلك يا رفيق من عرفتك طاب فالي
واحتزم بي يا رفيقي لو يجي فالوقت ميله
كان ما وقفت دونك مرخص عمري ومالي
والله ان يحرم علينا منهو يحني جديله
تركي مبارك خلف اخوي واقرب من ظلالي
صقره عودا ليا كبرت يساويله قبيله
دون ربعه فالمواقف مثل ابو زيد الهلالي
ما تريح لين ما اصبح راعي الطيب وكيله
انت غالي ومدح مثلك يابو وايل ضغط عالي
كن بيتك من بيوت الله علي حق اجييله
اتوافد به ربوعه ومنصى لصحاب المعالي
يقضي لزوم النشاما ويتنعم به دخيله
امن الحفاوه نجره يرحب مع لا جاه غالي
كل ما رحب وهـلا والنجر يطحن بهيله
ما يردد من زبنه بليلة ياهم ملالي
اللواهيب بكنفه الطف من انسام عليله
مثل ماعنده فروض خمس في كل اليالي
ابو وايل كل ليله فارض يسوي جميله
اصغر عياله شجاع فاللقى يحمي التوالي
واكبر عياله على العسرات ما نلقى بديله
من القحوص الي لهم تاريخ يوم النار صالي
يومها كانت برمح و خيل وسيوف صقيلة
يا كعام المعتدين انتم ملاذ لكل جالي
للعدو سم ذحاح وللموالي سلسبيله
وانت ياتركي مبارك طيب من اول وتالي
ولو مدحتك كل مطلع شمس يا حزامي قليلة
لو طلبني واحد من عيالي يفدونه عيالي
من كثر ماهو مجملني وكاسيني جميله
وادري انه يفتخر بك كل قاصي والموالي
قالها حربي ويفخر فيك ولاتكفيك شيله
تم النشر : December 21, 2025 10:51 pmمع البرنامج العربي الاشهر على الاطلاق وبأكثر من 10 مليون تحميل
تعلم الانجليزية بدروس عربية مبسطة تجعلك تعشق الانجليزية
جميع الدروس لا تحتاج الى انترنت ومدعومة بالصوت والصورة
كل درس فيه 5 اختبارات تفاعلية لتحسين اللفظ والنطق
| تصنيف الاغنية : | أغاني سعودية |
| اسم الاغنية : | ربوع جنيف |
| مطرب الاغنية : | خالد ال بريك |
| كاتب الاغنية : | مشاري الدحيلان |
| ملحن الاغنية : | خالد ال بريك |
ما هو تقييمك للاغنية من منظورك الشخصي؟
مع البرنامج العربي الاشهر على الاطلاق وبأكثر من 10 مليون تحميل
تعلم الانجليزية بدروس عربية مبسطة تجعلك تعشق الانجليزية
جميع الدروس لا تحتاج الى انترنت ومدعومة بالصوت والصورة
كل درس فيه 5 اختبارات تفاعلية لتحسين اللفظ والنطق
كلمات اغاني جديدة 2025
اهم الاغاني لهذا الاسبوع
نجوم الخليج العربي
عمالقة الغناء العربي
موقع كلمات اغاني © 2009 - 2025 جميع الحقوق محفوظة لاصحابها الاصليين