كلمات اغنية رجل افعال قدام رجل اعمال خالد ال بريك

رجل افعال قدام رجل اعمال كلمات

وبعد ما وصل مرسال حفلك يا بن مرسال

تحزم بما يرضيك والطيب حنا له

سليمان رجل أفعال قدام رجل أعمال

أحد يذكر أفعاله وحد يذكر أعماله

بمدات كفه من كرم تضرب الأمثال

عسى الله يبارك فيه ويكثر أمثاله

يا ليت الحكومة تفصل الهاتف الجوال

هذا بيت سلطان ابن وسام قد قاله

يناسب لوضعي مر مع موجة إرسال

مع فارق التشبيه من حاله لـ حاله

أنا ودي أرضي الناس في كل وقت وحال

ورضاهم صعب وأصعب من النير وجباله

عسى الله يقدرني على الوقت وأهواله

ترى البعد عن بعض المخاليق راحة بال

الانسان يستانس لـ سيطر على باله

تقرب من الكفو وتبعد عن الدجال

ولا تشمت بضايق ولا تغبط بدلاله

من يميز الصالح من يميز البطال

مهيا يعيش العمر وأحداثه لحاله

ترى قسوة الأيام يبغالها رجال

يحدد هدف ويحط الامجاد منزاله

ورفقة فهد مكسب ليا عد راس المال

رفيق منومس بـ طاريه وأفعاله

لا منه نفض بشته يجي للعقد حلال

وطيبه على أبوه وعلى جده وخاله

وبعد ما وصل مرسال حفلك يا بن مرسال

تحزم بما يرضيك والطيب حنا له

هلا ومرحبا باللي لهم قيمة ومنزال

أقوله عن اللي جعل فال السعد فاله

يصبح على طاله ويمسي على طاله

سليمان رجل أفعال قدام رجل أعمال

أحد يذكر أفعاله وحد يذكر أعماله

بمدات كفه من كرم تضرب الأمثال

عسى الله يبارك فيه ويكثر أمثاله

هذا فزعة الضايق هذا اللي يسر الحال

ليا جاله المهموم عده صلح حاله

ما يحسب حساب المال دايم يهين المال

لا منه عطا كنه ما يعطيك من ماله

أبوه ابلج مطنوخ له والنعم تنقال

يعدل العوج حتى ليا عدل عقاله

موالين للدولة وحكامنا الأبطال

ونفدى بلاد الخير رجلي وخياله

نحب الوطن ونحب نسمع خلف هذال

لامنه من ابيات الوطن وصل رسالة