كلمات اغنية رد حق ابو الشوق

رد حق كلمات

ياللي انت غاوي كلام موزون

انا جاي احكي وجاي ااقول

عن دنيا جاحده بقسوتها

بتأذي خلق ف سكتها

والظلم فيها ماشي بكذا لون

حكايتنا عن واحد غلبان

من صغره لف مع الايام

جدع ومن يومو رجوله

والسكة بتعتو معدوله

وعايش حياتو بالحلال

نظرة كلمة وحب يبتدي

شافها ماشية ده عليها جري

وجوه منه في حنين

هيا برضو قالتلو ردها

من كلامها حس حبها

وابتدي الغرام ما بينهم

وهو ده حب السنين

علشانها يجمع في الاموال

جاب شقة كدا ع قد الحال

ورااح يخبط علي بابها

ومن ابوها هيطلبها

الشاب كان غرضو شريف

ابوها دمر حلمو قوام

وقالو انسي بنتي عشان

ظروف الشاب علي قدو

وابو حبيببتو كمان هدو

كسرلو قلبو بشكل مخيف

ابوها كلامو لعب في عقلها

هان عليها خلاص تسيبو

يعيش لوحده في المرار

بعد منها تعب في غربتو

كان ينام في عينو دمعتو

كان فكرها قال نصيبو

بس حب العمر طار

وشهور وسنين بتفوت وتمر

ربنا عمره ما يرضي الظلم

ابوها بعد ما كان قيمة

رفدوه وقاعد في الخيبة

صبح مفيش منصب ولاجاه

الدايرة بالراجل هدور

دعوة فرح لراجل مسؤل

هيقول لبنتو تعالي نروح

يمكن يجيلها عريس ميسور

عايش في العز يخدنا معاه

لما رااح بعنيه شاف العجب

صاحب الشركة اللي منها اترفد

طلع هو صاحب الفرح

لأ وكمان ابنه العريس

والعريس ده هو ده الولد

اللي زمان جاله واترفض

هو نفس الشاب اللي

كان ياعيني زمان فقير

الشاب راحلو وناده عليه

ازيك ياعمي وعامل ايه

فاكر زمان كنت بمثل

اني فقير اوي متبهدل

وجيت طلبت ايد بنتك

عملت معايا اسوأ حل

وانا برضو كمان رضيت بالغل

خليت ابويا ده رفدك

عشان غباءك وجهلك

وكل ده نتيجت عندك

رااح للبنت قوام وقالها

انو اتجوز ست ستها

والفرح ده هو فرحو

يعني دي خسرت كتير

قام طردهم قدام البشر

كان لازم الحق ينتصر

وهي دي كل الحكاية

اوعو تيجو ع الفقير