كلمات اغنية ريفرش طلال سام

ريفرش كلمات

انا نفسي اركب يخت و اسافر بيه لمكان ما

و أقابل ناس أول مرة اشوفها فـ الحياة

واجرب اي جديد و الغي كل المواعيد

و اعيش الدنيا اللي انا حارم نفسي منها

هتشقلب و اجري و اهزر و اضحك و آخد غطس طويل

و آخد لدماغي إجازة من التفكير و سهر الليل

وهغير مودي العام و هعيش حبه فـ سلام

بكفاية شيل في الهم و غم يا عم دي هدة حيل

انا هعمل ريفرش و أبطل تفكير في الاقساط

انا ياما خدتها جد هقضيها شوية استعباط

و هتفرج اوي وتلعلع وهنغرق فـ بحور شربات

انا ناوي اشتي فـ روسيا وازور لندن كل خريف

و هصاحب شلة جديدة كلها ناس دمها خفيف

هستقتل على حلمي مش هزهق ولا هبقى ضعيف

وكفايا يلازم سيرتي اني ابن حلال قلبي نضيف

انا نفسي افرح من قلبي الفرحة اللي تمنيتها سنين

و تعبت انا ياما عشانها وسهرت والناس نايمين

انا يمكن أبان للناس جامد وماليش احساس

لكن أنا جوه فـ قلبي حب يكفي الملايين

كل الباصيين فـ حياتي و عاملين فيها حكام ڤار

مني ليكوا تحياتي و خفوا شوية بقيتوا كتار

ركزوا في حياتكم حبة الرزق مفيش فيه مسابقة

كله مكتوب له نصيبه هياخده هياخده و دي اقدار

انا ياما خدتها جد هقضيها شوية استعباط

هتدلع و اعيش و هدي بلوك انا للأحباط

و هتفرج اوي وتلعلع وهنغرق فـ بحور شربات

انا ناوي اشتي فـ روسيا وازور لندن كل خريف

و هصاحب شلة جديدة كلها ناس دمها خفيف

هستقتل على حلمي مش هزهق ولا هبقى ضعيف

وكفايا يلازم سيرتي اني ابن حلال قلبي نضيف

معلومات الاغنية

كلمات عمرو تيام

ألحان د مصطفى العسال

توزيع إلهامي دهيمة

منتج فيديو عمرو عمر

إخراج عبدالله الثامر