كلمات اغنية ساحات المعارك حمد الطويل

ساحات المعارك كلمات

بين المواضيع الطويله والمواضيع القصار

الله على ميقافن نشوف البشاير بسببه

راسي ورا تحقيق حلمه فارسن طلاب ثار

مانيب راضي في حياتي لين أحقق مطلبه

العرف والتطوير والحكمه وحب الابتكار

ان كان مايتعب لها الرجال ما جاته هبه

مافيه غير الدله الصفرا على جال الوجار

اتوصل الاحساس والأفكار لاعلى مرتبه

أسج ايلين ان النديم يهز كتفي وانتبه

وشلون ماكيف على كيف النشاما والحرار

وانا من اللي سلمها فنجال الاعدا تشربه

البارحه بيت القصيده تحت قيد الانتظار

كنه يراقبني ورا ذيك النجوم المرقبه

أنا أتمتع بالكلام الصدق واداب الحوار

مانيب كاذب لو يقال ان أعذب الشعر أكذبه

التجربه ماتنوخذ دايم بعين الاعتبار

ماينكب الرجال بعض احيان غير التجربه

العاقل يقضي حياته لا ضرر ولا ضرار

والجاهل يشوف المضره في عيونه موهبه

تروي جفاف قلوب اهلها قبل الارض المجدبه

بعض الاوادم خط سيره يشبه لسير القطار

وبعض الاوادم كل دربن فيه لفه يقضبه

خلك مع اللي ما يعاين لا يمين ولا يسار

مافيه شي يجذبه كود المراجل تجذبه

ماياخذ الامداح غير اللي على السمعه يغار

من دون وجه يحتمي لو الضحيه منصبه

الصاملين امن الرجال يحققون الانتصار

والهايبين امن الرجال قلوبهم متذبذبه

سلم على اللي مايفكر فالكبار وفالصغار

الطيب اللي عرق ابوه وعرق جده ينتبه

الضابط اللي مايقدم فالمهمات اعتذار

يستصغر اكبار المصايب دون داره وعربه

ياعيال عبدالله نباكم عم في كل الديار

وانتم خذيتو من صفات العود طيبه والشبه

الشايب اللي عادته حط الطلي جنب الحوار

هذا سليل اهل الفخر ومكملين الموجبه

دايم عيال كوير ابن راشد مواقفهم كبار

تقول كن المجد عزز من نسبنا منسبه

حنا مقر الطايله حنا مقر الافتخار

حنا دروعن ثابته حنا سيوف مذهبه

نلعب بحد رماحنا اللي مثل قصاف العمار

ونشوف ساحات المعارك كلبوها ملعبه

اليا تقدمنا على الاخصام في عز النهار

على المشايخ بيرق الاد الرويبي ننصبه

دايم عوايد ربعي الغلباء ليا طال المسار

تاريخنا من دم الاعداء والجماجم نكتبه

يوم العباد استغربوا مشهد ضحايانا الكثار

حنا نشوفه شي روتيني ولا نستغربه