كلمات اغنية ستيتش زياد الدساس

ستيتش كلمات

لسا ببوظ كل حاجه غبي و لسا فيا سذاجه

بصدق كل الناس مع ان كل الناس كدابه

بتغابى محتاجها و هي ليا مش محتاجه

وقت ما كل حبايبي باعوني انا بقيت بياع كئابه

انا السبب هديت كل اللي بنيته فوق دماغي

كان ممكن كل شئ يتحل لو مسكت لساني

الدنيا بتلطشني اقلام و بترقعلي سداغي

جابت داغي و اكدب عليك لو قولت مش واحشاني

واحد تاني هيقولها بحبك و هياخد بطولتي

واحد تاني هيدلعها و يندهها بـ بنوتي

واحد تاني ياخد مكاني و بكرة تحرق صورتي

اما انا مش عارف انساكي ولا عارف اني اعتبرك موتتي

انا صح بغني بس مسمعنيش اللي بغنيله

هتقوليله حبيبي معقوله زيي هتقوليله

ستيتش مشي بس لسا بتوحشيه يا ليلو

صوت كسرة قلبي في اي حفله بيرج الاستيدچ

اخر مره شوفت ابويا جمبي في رسمه عـ الاسكيتش

كله بعد عني حتى هي مستنتش

كنت ستيتش و متحبيتش هي مشيت و انا ممشيتش

نومه هنيه ليكي و ليا يرزقك بالفرحه اللي هي

رغم اني بعدت عنك بس لسا عايشه فيا

بعدت بس غصب عني عشان احميكي من الاذيه

مش هعرف اشوف غيرك تكون زوجتي المستقبليه

بعدي عنك ده مكانش بـ هوايا

فرقونا و ضحكوا علينا و اتكتبت كده النهايه

كل شئ راح من ايدينا و اتهدت كل الحكايه

مكانش نفسي في حاجه غير انك تفضلي معايا

الدنيا مش سايعاني مش هتساعني غير قبورها

منسيتش منسيتش عياطي عليها الليله بطولها

وقعت مني نجمه انطفت و انا كنت مراهن على نورها

سألوني ليه بعدتوا شكل كل الناس حاسداكوا

فضفضت معاكوا و حزني مراحش بالكام باكو

قلبي عندك و سايبهولك مش محتاجه

ستيتش مشي بس غصب عنه مش بـ مزاجه

صوت كسرة قلبي في اي حفله بيرج الاستيدچ

اخر مره شوفت ابويا جمبي في رسمه عـ الاسكيتش

كله بعد عني حتى هي مستنتش

كنت ستيتش و متحبيتش هي مشيت و انا ممشيتش