كلمات اغنية سفن الصحاري خالد ال بريك

سفن الصحاري كلمات

الشاعر ليا هب نسناس الشمال

نشت هواه تزيد في عمره عمر

يخلط مابين الواقع وبين الخيال

ويسوقها على الطريق المختصر

دون القصيده لو يرببط بالحبال

يفتك نفسه منك في لمح البصر

تفلت افكاره تفلات الـ هبال

اللي هبالتها على عز وسطر

ولا اتحرى كل يومين اتصال

اكبر قدر واوسع فكر وابعد نظر

الهقوه تسابق طموحات الرجال

ياحلو تحقيق الطموح من الصغر

مثل المذيع اللي ماصدق بالخبر

هذا لحال وذا لحال وذا لحال

هذ الصحيح وهؤلا اهم البشر

المجد ما يبنا على جرف هيال

يبنا على عز ونواميس وفخر

انشهد ان حميد معقب عيال

عقب صواريم يدوسون الخطر

اقدم ياباسل واحتزم دربك عدال

انهج على العليا مناهيج الظفر

تستاهل الناموس ياذرب الخصال

مكانك الاول ومقلاطك صدر

معك عظداك رجال في هئية جبال

حماية الماقف على لين وعسر

ارخ الدراهم دون ضافيت السبال

واحصد لنا الناموس في شوط الحمر

واللي ما يرخي دونها خشم الريال

بنهاية المشوار لابد يخسر

ومقنعات مقنعات اهل النظر

حمر السواحل غير عن حمر الشمال

علط الرقاب الوانها مثل الجمر

ظهورها متقوسه مثل الهلال

فج النحور تقول بوابة قصر

كنها تدف برووسها روس الخيال

كم دم شيخن دونها روح هدر

سفن الصحاري لامشت فوق الرمال

جرومها مثل البواخر في البحر

الناهيات الفارقات بكل حال

تفرق مثل فرق الغناه امن الفقر

جرة مواطيها على البيداء ثقال

ومقنع يباريها مثل ظابط خفر

جمل لاكنه غير عن كل الجمال

تهابه فحول الجزيره لا هدر

جمهورها اكثر من جماهير الهلال

وحظوظها ماهي مثل حظ النصر

و انته سفير لحرب مافيها جدال

فالماقف الكايد يعدونك ذخر

افعالك اجزال ومواقيفك جزال

والمجد والطاله لنا دايم مقر

من قو هيبتنا على اصحاب الحلال

كلن يدور له على الرجعه عذر

متاكد انه هالسنه فوزه محال

اقل حاجه ينهزم واحد صفر