كلمات اغنية سكربت عمار حسني

سكربت كلمات

اخوك مكتئب و الموضوع بوخ و بقالي سنين ع الحال ده

حد يجيبلي منوم او علمني اشرب زيك عشان اهدي

متدنيش سمك و لا عايز اتعلم صيد لو هتعايرني

لو لازمني حاجه عند الكلب اكيد هقولك هاتلي

كائن مزاجي وكل ساعه ب نكد تاني

كان غالبا الدنيا وافقت كله يفرح باستثنائي

كنت بائس و صحابي بيحبو الضحك و بتاع

كنت اتخنق افضل ف بيتنا عشان مجيبلهمش صداع

كانت غريبه جدا كل الي احبه بيمشي

الحاجه بتحلي ف ايدي باين كله كان باصصلي ف عيشتي

و انا والله اغلب م الغلب و ابسط م البساطه

ع فكره يا جدعان الكسر بخاطر الناس مهوش شطاره

كان مكتوب ف الاسكريبت بحبك و انا لقيتك ماشيه

ايده في هبل فين المخرج يا اخونا

المسرحيه باظت البطله لبست دبله و شبكه

شوفت البجاحه قتلوك و ضحكو فوشك

كل واحد حضنك يا اهبل كان بيسلم السكاكين ف ضهرك

شوفت الاذيه شمتهم ليه فيك

مكنش ضحك ليك يا عبيط ده كل الضحك ده كان عليك

كنت غريب و مش من هنا ف لقوني لوحدي

كنت زي الطفل بحبي و كنت اخاف لو عين تلمحني

و اسودت بيا ما تطولي ساعات لياليا

كان الي ليا كلام مكتوب خرجه عياط الات وتريه

ف انا اسف كان عضم الدنيا ساعتها ناشف

و انا علي قدي و مهما اخبي العين بتقول عكس الشفايف

بتداري ف ضلي عايروني مع اني

وقعت ف وسط ناس تعبانه و حالها بيشبهني بالميللي

و ع قد ما ابان كويس ع قد ما متحطم

كنت ما اصدق انام عشان اهدي و انا مش سهل عليا اغمض

الوقت ممل مبيمشيش زي ما تقول محتاج ل ساعاتي

كنت بشيل و انت عارف هم الدنيا تقيل

كات الدموع ساعتها كتير متنشفهاش مناديل

وقتها كان ليا قلب يحن بس انتهي

انا زي الدهب قيمتي مش هتقل مهما لوني بهت

شوفت البجاحه قتلوك و ضحكو فوشك

كل واحد حضنك يا اهبل كان بيسلم السكاكين ف ضهرك

شوفت الاذيه شمتهم ليه فيك

مكنش ضحك ليك يا عبيط ده كل الضحك ده كان عليك