كلمات اغنية سكيتي زياد الدساس

سكيتي كلمات

حاسبي .. ياللي غلطتي في حقي بكره انتي هتتحاسبي

كنت احاربلك فيا تحاربي بقيتي خسارتي و كنتي مكاسبي

حبيتي كذا حد قبلي دول خدعوكي طب انا ايه ذنبي ؟

يعني مقدرتيش عليهم جايه تتشطري على قلبي !

خدي حقك منهم .. ليه عايزه تعذبيني بدالهم ؟

اشيل انا ذنب غيري ليه ده انا حبيتك ده انا غيرهم

ده انا خليتك اميرتهم .. ده انا عليتك و رميتهم

يا خسارة حُبي .. خساره دموعي اللي عشانك بكيتهم

سمعتي صوته افتكرتيه ، سمعتي صوتي سألتي " مين ؟ "

مسألتينيش " ازاي اكمل دونك وحدي اعيش ؟ "

صوتك جوه دماغي سكتيه .. بابك سكيتيه

صح حبيتيه .. و الاصح محبتينيش

روحتلها و كانت فيا 100 شخصيه بيتخانقوا و بيسبوا

قولت " وحشتيني " و ردت : امشي مكانك انا بدّلته

و بكل قسوه قالتلي في وشي " انا كرهتك و بحبه "

----

كله راح سكيتي ولا شوفتك ولا حتى حكيتي

لما آمنتلك شكيتي في قلبي بـ سكاكينك شكيتي

دوستي عليا ولا حليتي كنت وحش ولا حليتي

بترعش ماسكه ايدي ازاي مشيتي و اتخليتي ؟

2×

----

كان طبيعي اشتاق و احِن و قلبي في الرجوع يزِن

انساكي ازاي و في كل ليل صوتك في ودني يرِن ؟

على فكره .. كان بينا ذكريات و ايام و عِشره

الدنيا كانت عِكره بعدك ياللي انا كنت قدام اهلك عِره

مازلت بفتكرك و اتعشم ..

جسمي خس و وشي كرمش لما ضحكت بُعدك كشّم

بُعدك في انيابه سن شايفك قدامي و بتجن

حكولك حالي عامل ايه .. كرهوكي فيا ليه ؟

بعدك معادش ليا شئ اخاف عليه

قلبي بدونك خِلي .. انا بشتريكي و تمنك غِلي

في غيابك بنكوي .. قلبي اتحرق بعدك و غِلي

بتحنلي ؟ .. طب لسا فاكره ولا انا مش في بالها ؟

قالت " مبروك " على كسرة قلبي و قولتلها " عقبالها "

طلعتك سابع سما و كنت دايماً بنزل

ولا كنت انا يوچين لكنها كانت روبانزل

----

كله راح سكيتي ولا شوفتك ولا حتى حكيتي

لما آمنتلك شكيتي في قلبي بـ سكاكينك شكيتي

دوستي عليا ولا حليتي كنت وحش ولا حليتي

بترعش ماسكه ايدي ازاي مشيتي و اتخليتي ؟

2×