كلمات اغنية سلايل قوم هود حسين ال لبيد

سلايل قوم هود كلمات

بعد جنبت المنابر واخفيت الوجود

لجل راحت نفسي اللي تبي تهنابها

والله لاهو من ضعافه ولاهو قل فود

ولا تهمشني الليالي لو اظرس نابها

الصبر في بعض الاحيان تلزمه الحدود

والمجامل ماملا بطون جوع ذيابها

ارزمت سحابة الصيف والجيد يجود

والمخيله خيلت فوق روس اهضابها

والهجوس المخمليه تسن اركابها

والقريحة ماتعرف التبلد والبرود

حزت الميقاف ماتنشد ايش اسبابها

ان أخذ مني الامر قال ابشر مايكود

واجبي بن القصيده يزود عجابها

لاتشكك كثر ماشفت من عين الجحود

بندقك يابو سعد مختلف مضرابها

المراجل والشعر ماخذه من راس عود

يعطي احقوق الرفاقه لجا طلابها

وانت من بيني وبينك مراسيل وردود

ساحة الميدان لا تنشغل ف حسابها

سوقهم سوق الضحايا على جلابها

لو يجي من بيننا عاد وتوقف ثمود

والله ان ارجع الروس صوب اذنابها

لازهمني صاحبن من عربيين الجدود

قلت حملك ريش والنار أنا شبابها

ماتجنبني المواجيب واناخو عهود

عادتن لابوي و الطايله كسابها

يارفيقي والوعد وقت مركاز الوعود

واصلك لو تزحم الطايره ركابها

في حفل ربعي برحب واكررها وازود

سوق لي فنجال دلتك ياصبابها

ارحبو وعداد ماحط فوق الجمر عود

وارحبو بلسان شبانها وشيابها

وارحبو واعداد ماحاشت يدين الفهود

عند قوم وسلت السيف دون نصابها

خيمة اهل الطيب لو مارفعها الا عمود

اشهد انها تشرف اللي دخل مع بابها

يابو سميح الفخر ياموردت العدود

سربتن ما ذاق طعم الهنا حرابها

فوق عرش النعم ياقوم واعلنتو الخلود

مابقى للناس ياكود فعل أشنابها

كل يوم يمركم من صعود في صعود

ياسترها كل مافرعت بحجابها

زندنا واحد ولا فيه زند ابلا عضود

حن كما نار ولا ينسحب مشهابها

ليلتن فيها الفرح جعلها دايم تعود

وليلة الاحزان ما ينلبس جلبابها

ايه ياعبدالعزيز وللوقفه شهود

احذف اعقالك وغترتك شد إعصابها

انت للصافي عسل وللعدا سم الكبود

ولا تمثنوك المقرد سلبت اثيابها

عايذين والاسد من عرين الأسود

المراجل حزتها في جميع القابها

لا غرابه دام لك شايبن طيبه يسود

معتلي في راس عيطا محد يرقابها

كل طيب تبذله ينسب لك ومحمود

انت ساس لكل جزله وضمن اسبابها

تفتخر فيك آل عايذ وحتا بن سعود

وتفتخر فيك الحباب اللي تعز أنسابها

أحمدلله يوم حنا سلايل قوم هود

اقحطان اللي تشرف جميع أصحابها

والختام بريحة المسك ورياح الورود

قاله اللي كلمته السباع اتهابها