كلمات اغنية سلف ودين 3 زياد الدساس

سلف ودين 3 كلمات

انا عارف إنك مخنوق و مش طايق حد يكلمك

بس انا صاحبك الوحيد فـ مش هخونك ولا اسلمك

بتحبك و لسا بتسأل عنك و بتفتكرك

على فكرة لسا بتسمع تراكاتك و بتدندنلك

لا حلوه كلكوا شايفين ان انا شيطان و ظالمها

و مش شايفين اني اتخدعت و اتخذلت منها

طالما كانت ناويه تخون و تخدع ليه قالتلي بحبك

ليه خانتني بعد ما عشمتني بـ اكبر كدبه

صدقني ندمت و عرفت قيمتك لما بعدت

و الفترة ديا هي محجوزه في مستشفى و تعبت

بعدك بتغرق فعلا و انت ليها طوق نجاة

للحظه فكرت حنيت انا و افتكرت

ولا اتصورت اني ارجع بعد الوقت اسامحها بجد

قد ايه ضعفت بعد اما عرفت حالها بعدي

انا لازم اسامح و اللي يحب بيسامح و يعدي

ده حقيقي ولا بحلم انت جايلي كمان بنفسك

واحشني اوي حقك عليا سامحني بجد انا اسفه

مش عايز اسمع كلام و انا معاكي دي مش احلام

كل اللي هاممني بس انك ترجعي بخير و تمام

انا هبقى تمام بجد بس لو انت فضلت جمبي

دموعي نزلت غصب عني و جتلي نغزة في قلبي

و حاولت اخبي قولتلها متخافيش مش هبعد

ردت متأكد معرفتش احب حد بعدك

كنت عارفه إن إنت لسا زي ما إنت و قلبك ابيض

كنت عارفه إنك هتحن و هترجع على بابي تخبط

طبعا حنيت لأني زيك من غيرك بتمرمط

قربت و خدتها في حضني إحنا الإتنين بنعيط

سامحني مسامحك ياللي علمتيني اسامح

بحبك و انا عاشقك و نسيت كل احزان امبارح

و مكنتش عارف إني بعد كده هتقتل

صحيح صدق اللي قال ديل الكلب مش هيتعدل

فينك مش قولتي إن إحنا هنخرج النهارده

يا حبيبي اسفه بجد غصب عني عندي محاضره

تتعوض نبقى نظبط وقت تاني و تبقي فاضيه

اوعى تخوني يا حبيبتي و انتي غايبه في قلبي حاضره

قفلت معاها و كنت زعلان إني مش هقابلها

فكرة إن هي مش موجوده في يومي مش قابلها

جتلي مكالمه من رقم غريب و قاللي عايز مصلحتك

انت بتتغفل يسطا حبيبتك في البيت عند صاحبك

جريت و روحت كسرت الباب فتحت لقيتها معاه

اتصدمت و كان جوايا 100 سؤال طب ليه و ازاي

و وسط صمت رهيب من جيبي طلعت المسدس

مالك ليه ساكته خليكي قاعده ثابته

انا اسفه ششش مش عايز اسمع كل كلامك كدب

غلطان عشان امنت و ملعون القلب اللي يحب

متقتلنيش يا زياد سامحني ارجوك يا زياد

مفيش سماح عمرت سلاحي و دوست عـ الزناد