كلمات اغنية سمو البقوم حمد الطويل

سمو البقوم كلمات

يعرج بي الفكر وابدا في عريبة نسب

من جامحات الاصايل لنهار اللموم

مطلاعها لسحايب و الجزايل تهب

هي رهن سبابتي غصب لا حنا اللزوم

في ساعة و القريحة للمدايح لهب

تاقف على ساق والراس المهيمن يزوم

يا مرحبا عد ما يحسب وما قد حسب

واعداد ماشيف رسمه للحصى والنجوم

ومن التراحيب كنك لرفاه امخدوم

حفل الفهود النوادر و الفعايل شبب

عويض و تركي قروم سلالة قروم

روس تروس المدايح طيب و لا غصب

على ونعمين تاقف لجلها كل يوم

هم ريف الاصحاب والعين المواقف عجب

يا كم جاه و مال خلصو به هموم

مقابس الخير لصروح المراجل طرب

من طيب جين المناسب و الوفا و العزوم

اعيال عود ليا كبرت و حل النشب

ياقف لها كان زامت في كبار العلوم

مثل الذهب معدنه حتى للد الخصوم

شيخ عليه الفعل و الاسم ساس و مرب

جل المصايب ليا وقف وثنى الكموم

طلق الحجاجين صدره للمعنا رحب

وايدينه اكرم من الوابل بدهم الغيوم

سيف القروف المصقل في نهار الكرب

مضرابه المعضلات اللي عليها الوسوم

من لابة عزها المولى ما بين العرب

وسادة على الترك وافنتها و راحت عدوم

نعم سهوم المنايا محتمين الجنب

وسط الجراهيد و اعلى نايفات الحزوم

ريحان يشهد على قولي ومن هو قرب

شاف العجايب نهار تفرك ابها الخشوم

يجندلون الدواهي و الخيول اتهذب

و الارض ترهج عزاوي و المنايا تهوم

والله و تالله لو ان ينطق اذباب الحدب

يقول يا ليتتني رجال ضمن البقوم

اشدى و اسطى على العايل ليا من حرب

و اعز و اللطف على الصاحب بعود رحوم

سمو البقوم العظيمة حي هذا اللقب

يكفي بهذا اللقب يا حي سمو البقوم