كلمات اغنية سمي العود جفران بن هضبان

سمي العود كلمات

الشعور اللي ضحاياه السعادة والكتابه

مستحيل انه يمر الا لشاف الليل ضاوي

من كثر مانيب اعاني من عناه ومن صوابه

الوقاية منه ماتنفع ولا طب المداوي

العتب من واحدن ماهوب يعنيني عتابه

لو احط الصفر جنب الصفر يعني كم يساوي

مايطيب البال واخذ من سعة صدري رحابه

لين اجي في ديرت الغلباء وفي ذيك الحراوي

أنا شاعر لو اجيب العيد ما طحت امتساوي

ان قدرت اخفي عن عيون الادب عين الرقابة

ماقدرت اسوق رجلي من ورى ضايع وغاوي

الولد كانه ماجاب ونعم دامه في شبابه

وش يفيده كل ما هب الهوى على الهواوي

حي صوت اللي ينادي بالضيوف ومرحبابه

مرحبا باللي يشيل الحمل والعد الرهاوي

ابن عم وسيرته عطره ورمز ودرع لأبه

دون ربعه لا يحن ولا يروف ولا يراوي

ان تكلم علم الحضار عن فن الخطابه

وان تقدم ماتقدم غير لكبار الدعاوي

شايبن راسه يفوح فعول طيب وعود جاوي

ياسمي العود من بينك ومن بينه تشابه

انت ترثة ربعي اللي مايقاويها مقاوي

عن شري يوم القصير يصيح من شي لجابه

مابقى للطاغي إلا كسر وأحزان وبلاوي

دايم إلاد الرويبي والفخر تملى كتابه

ودايم الاد الرويبي مسند اكبار الهقاوي

عزوتن ماتنتج الا حر صيد وليث غابه

للعداء وامرهم الله كنهم الآمر السماوي

ان تقدمنا على الأخصام في يوم الحرابه

عود القايد يقاد وعود الوبال شاوي

اسمنا الغلباء ملاذ اللي يعاني من مصابه

مايضيق اللي زبن ف اطرف مزبنت الجلاوي

من نصانا يدري ان السيف عزه من نصابه

ومن يخاوينا عرف وش قيمة اعرف من تخاوي

من تعزوى في سبيع الضيق مايحسب حسابه

بشره بالوقفة اللي تعبت كاتب وراوي

الشموخ اللي على راس الفخر مثل العصابة

والكيان اللي عروشه ما تزعزها العزاوي

ان زعلنا مابقى للشر شي يندعابه

من يعيش المرحله هذي قضى عمره شقاوي

وان رضينا والزعل عنا رحل وانصك بابه

يبتسم وجه الزمن ويش انت يامبسم مضاوي