كلمات اغنية سهف البكار جفران بن هضبان

سهف البكار كلمات

يامهلى لا تجر الصوت وتجر الربابه

جرة المنكوس عقب العصر من يدفع ثمنها

خاف ربك يامهلي واذكر القبر وعذابه

نصف شيبان الجماعه غير صوتك ماشحنها

لا تهيض قلب عود قد هوى فاول شبابه

عاشق له بنت شيخ غير زوله مافتنها

عودها ماكنه الا عود موزن وسط غابه

كل ماهبت ذعاذيع الهبايب تمتحنها

ماتقارن فالبني من شامها لـ اقصى يمنها

فارع من دونها الحجار الاقشر صك بابه

ان خذاها خانت الميثاق وان عيت سجنها

كن مابينه وبين اخوانها دم وقرابه

ماعتق حدب الضلوع اللي غرامه ماسكنها

كل مايرسل عليه من القبايل شيخ لابه

قال ياتلبس ثياب العرس ياتلبس كفنها

عودنا يامهلي الحشاش لايفقد صوابه

لاتغني فالربابه فى زمن ماهو زمنها

غن ياحفران بن هضبان وافتك الطلابه

الطروق اللي بتال الوقت ماتجهل لحنها

كل مهنه تشهره عند القبايل يمتهنها

جاك بدع الشاعر اللي ماجهل فن الخطابه

كل مامالت على الشعار فالساحه وزنها

طارين له مع عوال عجيم قرم وسبع غابه

من رياجيل يبور الوقت مابار امعدنها

سالم بن دويح لاااق المدح فى حظرة جنابه

والفرايد ماتغنا فى وطن ماهو وظنها

ابن عم تجتمع فيه الرجوله والذرابه

جعل تفداه العفون اللي ملا البيدا عفنها

ماتجيه الا وتلقا في محياه الرحابه

والردوم اللي ليامن حطها تملا صحنها

وقفته يامن بها المضهود وكفوفه سحابه

والدراهم قبل لاتدفنه فالوضحا دفنها

جامع له شول وضح زينها يحسب حسابه

ويضاحنن راعي اليمنى القصيره مامكنها

كل نوطا مشيها كبر وتبجاح ومهابه

ودك انك تغزل ثعول السحابه من بدنها

جنبها ياخذ به الفكسار وقفه وانقلابه

لا اوحت اللي طوح الهوبال قامت من وهنها

من كثر ماشفت فى طياحها نسق وتشابه

قلت هاذي من جمعها رصها والا حقنها

تشعفك سهف البكار اللي تضايق من غيابه

مرعن بين الرعايا غير فقده ماغبنها

لا دخل فى وسط مقهوره دخل جو الصبابه

كل بكر تعترض له حبها والا حضنها

والبعير امشهله ماحط من حوله رقابه

والركاب المنتجه لـ اجواد خلق الله رهنا

وسط ذوده ماتشوف ام اللحم وام الخنابه

والقصير اللي يخب اجلالها ماهي بمنها

ماخذاها من وسيط مرسله ريس عصابه

راعي الهرمون والعباث عمره ماحقنا

دونها اللي يسهجون الدار وتعود خرابه

ربعي اللي تاسم المخلب ويسلم من زبنها

من عوال عجيم ستر ام الحلق وام الخضابه

يوم بقعا تاكل زحول القبايل من فتنها

يوم ثارت بندقن شبت مقابيس الحرابه

حزتن شيطانها وقف على الضلع ولعنها

ماعلى قحص المهار الا رياجيل المجابه

ليلة فيها القضا والثار ماعنك وعنها

ماسراها غير عجمين تجرد من ثيابه

سابقه لو كظت امن القوم بالشلفا طعنها

غارته خلت مقاديم السرايا فى ضبابه

والقلايع كل بنت امحجلن تسحب رسنها

اشهد ان لي لابتن تاريخاها ماهو كتابه

يوم بعض الناس توخذ خبزته قبل ايعجنها

لا غرابه يامحزمة القنازع لا غرابه

ياخوال اللي على روس الدول تامر وتنها