كلمات اغنية سوري عضلات القلب ياخينا مصطفى الجن

سوري عضلات القلب ياخينا كلمات

سورى عضلات القلب ياخينا

لامؤخذه دى مالهاش تمرينه

زيك زى اللى فى بترينه

يابنى انت سلاح للعرض

طلقتك اللى ضربتها جلت

شوفتنى ايدك فجأه اتشلت

ليه بتغمز نفسك و تتلت

مانتاش محسوب ع الأرض

جالك اللى مش هيريح بالك

رزمن قدامى واصحا لحالك

تغلط مطوتى اركبهالك

فى عراكى بدهن جسمى بچركن

تنكشنى تاخد ضربه هتركن

كترت فى انعاش تتسكن

دوغرى مش هتعيش

يازميكس احنا علينا الاكشن

اما انتو عليكم الريأكشن

لوحوش ابو اتاته اعمل منشن

مش معتمدين أخصام

لو حد شيطانو فى يوم زقو

نانا ما بيسيب حقو

ابو فهد المتصيط بوقو

تندبو هتشوف إجرام

لا بتوع لقطات ولا نعرفها

بس اما بنحضر نخطفها

حاجه لينا نصيب فيها هنشوفها

اتنين اخوات على مبدأنا

ومفيش مخلوق بيفرقنا

ايد واحده ودايسن اعدائنا

على قدام جيبنا

الكفه السالكانه كسبانه

واحنا الناس كلها حبانه

الحمد الله السيره سابقانه

لينا بصمه فى كل مكان

برجوله وبحب اتصيطنا

عمرنا فى الصيط ما اتشعبطنا

جبناها من تحت اتمرمطنا

احنا اتربينا جدعان

اسمعو لو عايزيننا نصونكو

اوعو ذكائكم مره يخونكو

خرفتو معانا هندفنكو

ماتجوش على سكه

كارفين للحكايات وفى حالنا

بس يامرحب لو جيالنا

اى مجال بنخشو مجالنا

وانتم ع الدكه

صارفين مع اتخن صريفه

تحلو تاخد علقه نضيفه

مسينا ع الأخصام بقذيفه

قاصفين كل الجبهات

الكارف عرفناه تمامو

ما اصول يعرف مين قدامو

اللى يسوحو يوم برشامو

وقتى فى تربتو هيبات

اجعصكو عويل مش حملنا

ماحناش شايفينكو وربنا

انتو اخركو تجرو حصنه

بطلو تهبدو

تغفيلكم مش واكلين منو

يالى على الحاكم بترنو

اللى هيتطال فيكو هنسنو

براحتكو ارشدو

طول ماحنا اسود وبصحتنا

صعب فى يوم تيجو على سكتنا

مش هتشوفو ابدآ وقعتنا

ياولاد الخاينه انسوها

كلكو كارهين الخير لينا

حلم حياتكم تشمتو فينا

من عينكم ربنا يحمينا

من ام حياتنا شيلوها

بصراحه ربنا يتولاكو

يالى احنا سيرتنا مزاولاكو

أسامينا هتفضل حارقاكو

ماحنا احسن منكم

اشتمو براحتكم فى الغيبه

واخرصو قدامنا ياشنيبه

لا ملامه ع النقص وعالخيبه

ماحناش شايفينكم