كلمات اغنية شباب ناري جفران بن هضبان

شباب ناري كلمات

يسري الرعاد.. والبراق يغري كل ساري

مثلما يغريني الطيّب على جر الطويله

حي عين اللي بني عمه بوقفاته تماري

طيب راسه مدرسه للي حماياهم قليله

علي بن معوضه ال سعد

طيب فعل الحازبي فيصل على اهل الطيب طاري

كل شاعر وده بمدحة من يعز القبيله

تفتخر سنحان بعلومه ووقفاته اجهاري

سلطان ابوديه

مثّل الابه ولابارى مواقيفه مباري

مانقّصر عن شان سنحاني وفارق بين جيله

له قصيدي واحترامي له مديحي وافتخاري

كل عام وكل شهر وكل يوم وكل ليله

عبدالهادي ابوديه

يوم غيره من علوم المرجله والطيب عاري

مكتسي ثوب الحميه ملتحف بشت الجميله

لا زهمته في لزومك في سلام وفي طواري

أعجل إمن البرق واسرع لاشلع كبد المخيله

ايه فيصل لازهمته فاللزوم الاظطراري

ينثني للكايده والنايده والمستحيله

سيف عزن لايكل ولايمل ولايداري

لاجل ربعه فالمواقيف البسيطه والثقيله

تركي بن مشوط

الكفو فيه الحمايا تلتهب شباب ناري

وفيصل الله لا يهينه جابها بأهون وسيله

سمعته بين المشايخ وافيه والكل داري

ماشياً بسلوم جدّه والولد مافيه حيله

تركي بن زميع ال الهوى

فيصل اعلامي و من سنحان للناموس شاري

رافعٍ اسم القبيلة فوق و تشلّ الثقيلة

كنت احسدك زين يوم انك على الطالات ضاري

واحدٍ ماهوب مثلك يا حليلة ياحليلة

مانع بن ناصر ال هران

لا دخل مع من دخل في داخل السوق الحضاري

مايحب الرخص وعيونه على الغالي دليله

من وقف جنبه حرام انه فلا شاف العزاري

ومن وقف من تو وجه الحازبي واعزتيله

دبيس بن شرمه

وانت يا فيصل مدامن لك مع اهل الكار كاري

مدح ابو الطيب مدحتك به وفي حقك قليله

ولو يجاري مجد ابن حازب على الطاله مجاري

قلت كبد اللي يجاري مجد ابن حازب غليله

مشعل ال الهوى

و كل طيّب فيه من عمه و من خاله مواري

و فيصل عروقه مهي وسط السباريت المحيله

و ربعه اهل العز و الطالات و حزام السواري

داعية حازب كعام الضد لا شب الفتيله

معلومات الاغنية

شله مهداه للإعلامي فيصل ال حازب السنحاني

اداء جفران بن هضبان

كلمات نخبه من شعراء قبيلة سنحان

سعيد ابوديه

علي بن معوضه ال سعد

سلطان ابوديه

عبدالهادي ابوديه

عبدالهادي بن سعد ال الهوى

تركي بن مشوط

تركي بن زميع ال الهوى

مانع بن ناصر ال هران

دبيس بن شرمه

مشعل ال الهوى

شايع بن حاليه