كلمات اغنية شخبطه عمار حسني

شخبطه كلمات

كنت كل ما ازعل باخد جمب واستخبي

واداري من الدنيا و اشخبط ف الاسكتش لحد ما اهدي

كانو بيسالوني مالك بس كنت بسكت

كنت عارف ان كله هيمشي و هبقي لوحدي بردو

مكنش عندي صحاب ف كنت مصاحب هاند فري

واهلي متخانقين بحط السماعات عشان مسمعش زعيق

كنت مصدع كنت برسم بيت متصلح

كنت برسمني بمسطره طويله وبحلم ابقي مهندس

بس الدنيا مش افلام كارتون زي الي كنت بشوفها

هنا البطل قتل الوحش بس متجوزش البطله

ازاي فهمني في حاجه غلط مش فاهمها

كنت غلوبه معاكي خالص و انتي كنتي رخيصه جدا

كل الي اتكتم جوايا اذاني و كنت لازم اغني

و الناس اتلمت فجاه كل الناس حبيتني

كنت بسمع صوتهم كل مره ابطل يندهولي باسمي

مكنتش حكايه تضحك انا حياتي مكتش حلوه

كل دول عايزين يكونو صحابي و انا صحابي نسيو

مكتش حكايه تضحك انا بضحك لكن زعلان

كانت عايزه فلوس كتير و هي ارخص من تمن فستان

كنت كل ما اتخنق قلبي بيوجعني

كنت كل ما احكي لحد حاجه بعديها بفتره يعايرني

كنت خايب شيلت ابويا هم

انا محتجتش منه فلوس قد ما كنت عايز حضن

و انا اطيب من الطيبه بشويه و قلبي ابيض

انا لو حد قالي كلام ضايقني بسهر طول الليل بعيط

و انا مش وسخ و بتاع اغاني و زير حريم

نصي شيخ اتربي ف جامع نصي التاني ع الرصيف

مرمي انا كل صحابي وسختني

كنت جدع مع طوب الارض و طوب الارض عور رجلي

بين احلام كتير كانت بلالين ف ايديا و خدها الهوا و طارت

و قلة حيلتي بالايام جابتلي فوبيا

بقيت بخاف م الناس و اخاف انام مشوفش الصبح بكره

كان كمان قديم مركون ف رف بين انتيكا

ايوه صح انا اسمي عازف بس بكره المزيكا

مكنتش حكايه تضحك انا حياتي مكتش حلوه

كل دول عايزين يكونو صحابي و انا صحابي نسيو

مكتش حكايه تضحك انا بضحك لكن زعلان

كانت عايزه فلوس كتير و هي ارخص من تمن فستان