كلمات اغنية شرهة الدمعة فايز الدوسري

شرهة الدمعة كلمات

امنعني ياعيوني شرهة الدمعه و نامي

وانسى الماضي طلبتك لا تطرينه عليه

الشتاء بارد و برد الشوق ولع في عظامي

اخفي اوجاعي ولاادري لامتى اوجاعي خفيه

العنود اللي خذت قلبي و فكري واهتمامي

تركتني للضياع اشيل عقلي في يديه

وين ابلقى اللي يبلغها عقب م ابطت سلامي

ودي ب علم يجي منها يرد الروح فيه

زمها الرامي عقب ماشاف نظرتها البريه

وعين شيهانه و رمش مخملي لكن حرامي

يسرق قلوب الاوادم ويتحايلهم ب غيه

ضامر السرجوف م احلى صدرها طايش و زامي

كل م طلت عليه غابت الشمس البهيه

اتفقنا ب المحبه و اختلفنا ب الاسامي

بدوي طاح حظه في نواعيس بدويه

اتصنع ضحكتي واضحك وانا مدري علامي

عاشق ساق قدمه في سكة العشق المتيه

و السلوم الجاهليه وردتني للمضامي

ليتني لاحق عليها في زمان الجاهليه

بنت شيخ من شيوخ البدو في نجد العذيه

طالت الغيبه علي وقام ياكلني هيامي

شلعت قلبي وقفت به واتا اشوف ضحويه

جعل براق الحيا يسقى وطن غاية مرامي

شهر كامل يصب المزن و يحذف برديه

الشعور اللي بصدري مثل موج البحر طامي

والليال السود زادت في عيوني سودويه

لاتحسب ان الجفا يقدر ينزل من مقامي

تطعن ب رمح الهجر روح من العام مغشيه

مرحبا ب الجرح من خدراتها لاصار دامي

اطعنيني ي الوساع اللي رموشك مستحيه

ومتنازل لك وراضي ومتغاضي ومتعامي

وان ذبحني عشقها مالي بشرع الحب ديه

ليت لي قلب ليا اوجعته ب نجلاها انتقامي

بس انا اصفح واعفو وانسى الوجع رغم الاذيه

لو تعرف اني على حد الجبرتي والزلامي

الهمت مجنونها ب الشعر ليلى العامريه

كان حبتني كثر حبي وهامت في غرامي

مستحيل تطول غيبتها على العين الشقيه

مالها لا جتني الا كل شي مع احترامي

بس لاتبطي عشان اقفل ملفات القضيه