كلمات اغنية صعبة منال الجفراني

صعبة منال كلمات

في سماء الإبداع خيل من القبلة أخيال

راعــــده ولعاج برقـــــه يبشر بالمطر

بارقه فكـــر يروضـــك يالسحر الحلال

لين تطلع بالقريحة علـــى سطح القمر

ايتــرزم بالهــواجيس مبحــرت الخيال

في مهامل شرد شعــــر من الدايج قفر

انهمـــر وبله وغطـــاك ياشــم الجبال

بالبيوت اللي تجي مثل نحت فـي صخر

فـــي زمان صار نص العرب يكتب شعر

غيدا اتعرض المفاتن ومطغيها الجمال

تجمع اسلــوب البداوة واتيكيت الحضر

مـــن تغطرسها ومــــن قو تأثير الدلال

آنفه مـــا تعترف فــــــي قوانين البشر

فــي ثقتها تفتخر وسمها صعبة منال

مــــا تهيا بالمـناوي ولا صــــدفة عمر

مــــا يلين رأســــها لا عقـــار ولا ريـال

مشكلتها ماهــي ابمشكلة قــــوة مهر

عايفه وتجاهـــــد النفس وتعــد الليال

مـــــا تلــد العين فــي زيد ولا في عمر

ايتقـــــدم للنواميس ويقلـــــط صدر

سيف ابن رســام و يعيش شـيال الثقال

شيخ ايســـوقه على العز والطاله سطر

المـــدايح فيه تسبق ذعــاذيع الشمال

وكل مـــدح دون رأســـه ووقفاته قصر

من كرم يمنى طبيعه ومـــن زين القبال

صدره أوسع المعازيم مــن صدر القصر

دون كلمة نعـــم ياطا على خشم الريال

في عروقه يمشي الطيب فالـــدم الحمر

حاتميا كل مــــا يعطـــــي المحتاج مال

كنه ايقـــــول احتزم تبت إيــــدين الفقر

نادر ينصا ليا قصـــرت أطـــوال الحبال

يذخــــر لصــكات بقعا وحيه مـن ذخر

نسل عود يعدل الصـف كان الصف مال

ينطـــح اكبار الدعــــاوي ويعطيها نحر

سيرة ابو منيف ترقا علــى روس الجبال

بالفعول اللي تخلد ومــــن طيب الذكر

شايب يعــرف مقامـــه ليا قصـر الظلال

مــــا كبر فعيون غيـــره ليا وصله صغر

خلف إرجــال تنومـــس ويانعـم الرجال

كل حـــــر بالمـــــراجل تعـــلا واشتهر

من حماله ركــــن قحطان ذربين الفعال

لابة دقـــــلاتها كنها مــــــــــوج البحر

بالبلاجيك القصيـــــــره وبرهاف السلال

كـــــم عــدو لا طغى خلـــو اقياده فتر

أعطــني يا ابو سعد لو سمحت شوي بال

حــي راس للمجاهيم مـــن بين الحلال

حـــط له بصمه وثبت له أســـم معتبر

أســم رسامات فـي عالم المجهم وبال

ماركــــــة مـــا تنتقلد ورمــــز للخطر

تأخذ امـــن الليل لـونه ليا غاب الهلال

ســـود أتــــروح الملايين لرضاها صفر

كــل مرعا تجمع الـــزين زاويها الحيال

اجمعت قـــــو التسناد والعظـم الجبر

مـــن تنباه ارقبتها ومــــن زود العـدال

كنها ترقا عـــــدامه وتاطـــــا في جمر

مــــن رهاوة عظمها من يلبسها الجلال

كنه اجلل بـــه أطـــــويق وجبال القهر

تلعب انسام النسانيس بصخاف السبال

من تحت خشم تعلـوى مقامه مشمخر

ثالث اذنين زمـــت تشبه أرمـاح القتال

فــي نهار ساعته عند مـــن عاشه شهر

فالمنصات الشهيره تطـــــول ولا تطال

شوطها مـن بين الاشواط مهيوب وعسر

من ينافسها تحـــده علـــى جرف هيال

ويل والله مـــن تضـــده ولا عنده صبر

رقـــمها الاول وتحتل مــــركزها إحتلال

فالسعــــوديه وتشـــــهد لها دولة قطر

عن هل التدليس والزور وأصحاب الظلال

تكرم ونــور الحقايق مثل الشمس الظهر

تعتلي بـ نجـــــازها فالمــراقيب الطوال

عـــــن ثعالة حصني كــل مـــاردد جحر

نسق دكتور النظـــر ما يجــي فيه اختلال

هيلع وقــت المصـــامخ ثمانه عن عشر

ون بغيت الحـــق والصــــدق لابده يقال

والله انـــك يا ابن منـــديل دكتــور النظر

ابلج مـــــا عشت باللسلـــسه والاحتيال

لا عطيت الوجــه جملت مـــا تعطي ظهر

لا تـــراخـــت ذمـــــة النذل عباد الـريال

شمت مـــــن باب الكرامة ومن كبر القدر