كلمات اغنية صكات الليالي خالد ال بريك

صكات الليالي كلمات

ابتدا الليل العتيم وعبر الشاعر شعوره

والقصيده جاهزه والمنشد المبدع سردها

رغم صكات الليالي ماشكى لناس جوره

والظروف امر ودها والامور امر ودها

معتصم بالله ويصلي ويقرا كم سوره

ونعمة الاسلام ماينعم بها الا من حمدها

ودي اخذ رحلة استجمام فالشعر وبحوره

واتعمق فالبحر والدره اخذها بيدها

والله ان بيوت شعري للطحاطيح معموره

كنه نقوى الاحرار اللي تبشر في هددها

امدح الطيب ومجد سيرته وجبر كسوره

والردي مانمدحه والشعر والسمعه لهدها

انت يابندر نعدك فالكرم درعه وسوره

حي راس الطيب اللي لافتلها ماعقدها

وانت يابندر ولد خالد تحب الناس شوره

كلمتك محدن جهلها كلمتك محدن نقدها

سمعتك من حد نجد اليا الشمال اليا شروره

ابن مسمح مزنتن تضفي على الناس وبلدها

الكريم يعيش دوره والشجيع يعيش دوره

مذكرنا الا قليلن فيه وسمع مابعدها

مجلسه مدهل لكل الناس حتى اخوان نوره

يحضرون بمجلسه لنه من الدار وبلدها

شيخ فعل ولايكدر خاطره يبدي سروره

لو ابى احصي في فعوله واجده محصي عددها

العتيبي لاحضر يكفيك والله في حضوره

المواقف متركها والكرامه مفقدها

من ذخاير عزوة مغير تميز في عصوره

اابن خالد والله ان مافيه جمه ماوردها

من شيوخ عتيبه اللي محدن يجهل جذوره

شجرتن يعرف نسبها من مهدها لا لحدها

وتمت وصح الصحيح ولايغط الحق نوره

وكل نفسن ماتغط الحق تبشر في سعدها