كلمات اغنية ضرب الهنادي حمد الطويل

ضرب الهنادي كلمات

فوق روس النايفات اللي مباديها بعيدة

‏موقعك يا راية التوحيد يا راية بلادي

‏جعل حكام السعودية هل الاريا السديده

‏في شموخ وعز يعمي كحله ‏عيون الأعادي

الله يعز الملك سلمان ويقوي عضيده

قادة النهج السياسي والمجال الاقتصادي

يتعب الشاعر ليا دور على مطلع قصيده

‏والله أن ما كنه إلا غادي يدور لغادي

يبذل الماجوب ويجاوب ليا نادى المنادي

ذاك عايض بن محمد ‏يا عسى افراحه مديدة

‏الرفيق ‏اللي ليا حان الطلب موقفه ‏بادي

شاقني ذكرٍ قديمه ورث الصيت لجديده

مثل ما شاقت بروق الخير سكان البوادي

عايض اللي فعله يجمله ويجمل حفيده

جعل قبر ضمه تهبه نسانيس البرادي

اللميع اسمٍ مجملته فعايله الحميده

ركنٍ من ركون قومٍ فعلهم ماهوب عادي

‏مرحبا ترحيبة اللي مدته تخلي رصيده

عد ما هبت هبوب ولاح برق وسال وادي

وبسم جمع اللابه اللي لا تزاح ولا تقادي

‏داعية قيف ‏الغثيمي والغثيمي في وريده

يجري الترحيب وجزال المكارم والمبادي

روس قومٍ لا احتمت صكات الايام العنيده

صفهم ما فيه غير الانتحاري والمفادي

الكرم والجود عند معاويه مثل العقيده

يومٍ ايجيب الضيوف يعد عيد من العيادي

‏ساعة الفزعات لا منها غدت نارٍ وقيده

‏جمعنا ما يشبهه ‏غير الاصابع في الأيادي

في قرارة بيشه ام الخير والعالم شهيده

دارنا وحدودنا من دونها ‏ضرب الهنادي

وقتٍ اقفى واقفت ظروفه عسى الله لا يعيده

‏ما بقي غير الأمن والخير من رب العبادي

الفضل والشكر للي كافلٍ مرزق عبيده

باسط السبع المهاد ورافع السبع الشدادي