كلمات اغنية طب ليه مبيرنش تلفوني عصام صاصا

طب ليه مبيرنش تلفوني كلمات

مش لاقي حد في حضني غير مخدتي

مش لاقي غير ايدي بتمسح دمعتي

ألف شكر على الآسية

يا اللي بكيتم عينيا

حبكم كان تمثيلية

وإنتو صراحة ممثلين

أنا أبدو ليكم إني من برة بخير

ولكن قلبي جوة منه أحزان كتير

أنا كل يوم بحسه إنه يومي الأخير

بحس إني مش هقوم من ع السرير

كل يوم بتزيد ضغوطي

تهت من الفكر بسكوتي

بس جوة في كلام

والكلام بحكيه معايا

بتكلم قدام مراية

وأقول لنفسي حرام كفاية

اكتفيت حزن وآلام

لو الدموع تريح كنت هبكي دم

لو الشرب ينسي كنت شربت سم

كل حبايبي حاطين جوة قلبي سهم

بقول بموت قالولي موت عادي مش مهم

ألف شكر على الآسية

يا اللي بكيتم عينيا

حبكم كان تمثيلية

وانتو صراحة ممثلين

بس كله طلع كلام

انتو وحشين مش تمام

حضنكم فيه سكاكين

مش لاقي حد في حضني غير مخدتي

مش لاقي غير ايدي بتمسح دمعتي

بس شايف كتير بيكرهوا ضحكتي

يكفيني شر اللي نفسه في كسرتي

كل يوم ما فيش جديد

جوة حزني عايش وحيد

في الفرح تلميذ بليد

بس أستاذ في الوجع

عمري ينقص كل ثانية

طيب بس في دنيا خاينة

هو ما فيش غيري يا دنيا

ولا إنتي بتيجي ع الجدع

أنا من اللي شفته بقيت بجد حد تاني

الغربة واجعة قلبي بجد مزعلاني

كل حاجة سبتها ليه بقت وحشاني

أنا غصب عني مش عارف أرجع مكاني

طب ليه ما بيرنش تليفوني

فين حبايبي دول نسيوني

اللي شلتهم رموني

أما شافوني بقع وبضيع

افتكروا حاجة حلوة ليا

أحسن ما تشمتوا فيا

بس بكرة الأيام جاية

هرجع وأحاسب الجميع

أنا حد اتجرح ما حدش حس بيه

أنا اللي ناس كتير أوي جايين عليه

قلبي اتكسر من كتر الحزن اللي أنا فيه

ماشي في طريق عذاب

مش عارف آخره إيه

صليت دعيت على اللي خاني

والدعوة جت في أقرب ناس مني

مش قصدي ما أعرفش إني

بتخان من القريبين

شدي يلا يا شدة شدي

عرفيني مين اللي ضدي

مين بيزعل على قلبي

ومين في حزني مبسوطين