كلمات اغنية عاشت مصر هاني الدقاق

عاشت مصر كلمات

بين الزقاق والعطفة

صعاليك على حرافيش

عيشتنا في أصلها حرفة

وآخر النهار معييش

حرافيش قلوبنا حرة

مناكلش من التهويش

القدرة لصاحب القدرة

والبركة في الحرافيش

نباهة وفهلوة

يغزلوا من الهوا من الهوا

هيجيبوك ويودوك ويلفلفوك

هيزمروك ويطبلوك ويرقصوك

عاشت مصر عاش الحرافيش

جدعان جدعان مش نص ونص

عاشت مصر عاش الحرافيش

ساعة الجد نأدي ونص

حرافيش أيوا لكن جدعان

والمتغطي بينا في أمان

ويوم ما ييجي المعتدي

يهفه عقله ويعتدي

ومصر تنادي تقول يا ولادي

تلقى الواحد منا بألف

نكسر شوكته ورغم الأنف

حوالين نفسه كده هيلف

ويشوف منا الوش التاني

هيولول ويقول آه ياني

ويشوف شغل الحلمنتيشي

يرجع بلده يروح مايجيشي

ويقول ياريت ما اغلطت الغلطة دي

انا ايه اللي جابني بس الناحية دي

يوضع سره في أضعف خلقه

اوعى يغرك طيبة قلبه

ربك ما يحطك في مصيبة

مع حرافيش مصر يا عجيبة

هيجيبوك ويودوك ويلفلفوك

هيزمروك ويطبلوك ويرقصوك

عاشت مصر عاش الحرافيش

جدعان جدعان مش نص ونص

عاشت مصر عاش الحرافيش

ساعة الجد نأدي ونص