كلمات اغنية عدوان النجاح خالد ال بريك

عدوان النجاح كلمات

نديمي خل عنك الفلسفه واقلط على المدهال

وعطني من جديدك در بكر بتلهابه

ابخطف من بنات الفكر ندرها واسر البال

تجيني طايعه واليا نويت الدرب ماهابه

اغيب عن القصيد وساحة الشعار والارسال

بعد ما غثربو صافيه والعاقل قفل بابه

بعد ما زل ثلث الليل والملتاع ليله طال

يفكر في ظروف تجعل الاطراف منصابه

سمح من جور وقت عادته يلحق على الرجال

ويعز اللاش واشباه الرجال تعود ذيابه

عزيز النفس دايم في حياته معركه وقتال

ويشوم عن الرخيصه يعترضها ناس جلابه

اسج مع الطويفح والطويله وامهات سبال

واحصل راحة النفس العزيزه عند جذابه

ومن لام المولع في غرامه جعله السلال

يقوله من فراغ وقل عرف ونعرف اسبابه

يحسدك لاتصير اطيب منه ويعادي العقال

يبي درب المراجل بس يتعب قبل يبدابه

حياة الرجل في مبدا شبابه معرفة وامال

وذكر لا حضر طاريه له حق يتسموابه

ياعدوان النجاح الضلع ثابت مابلحظه مال

يعدي في قراه اللي كفو ويطول مرقابه

يجي من قاصي العربان لك درع وذرا وظلال

ومن دمك تبين لك الامور ويطلع زلابه

يبو راكان صاحبك ان دعيته فز لك بالحال

ولي ماقف معك ماكل رجال تهقوى به

شديد يازبون الكايده لاجت على المنوال

ثنيت لحملها يوم الردي تشعب به ركابه

لك اسمى مايساق من المديح وتستحق جزال

على ماقدمت يمناك كل يفتح كتابه

ع دور الزمان اللي مضى بنذكر الاجيال

سميك يوم سماه الشريف وصار ابو عتابه

مناويخ القبايل قدم بيته تكتب الافعال

كريم مده الله بالكرم والفعل متشابه

ليا جت للمفاخر والفعول وعد ال وال

لنا صرح مشيد في فقارة نجد وهضابه

ثنينا دون حلوات اللبن بالفاري الشلال

ولا شلنا سيوف الهند للعدوان نصابه

ليا مني ذكرت فعولنا حق علي اختال

عتيبه حييي هالاسم الكبير وححي هاللابه

فعول الاد عاصم عزوتي سم على العيال

يسوقون العطف وان جا نهار الحرب حرابه