كلمات اغنية عز ومهابه فهد بن فصلا

عز ومهابه كلمات

يالله بقافً على روس القمم مثل السحابه

لاانهمر ماها هماليله تسيّل كل وادي

انا شاعر فيني من الشعر نوع من الكآبه

لااكتبوه اللي بلا ذمه رخيصين المبادي

لين صار الشعر في عيني اشوف انه متشابه

حتى لو هو ماهو بعادي اشوفه شي عادي

والله انّي فاغلب الاوقات اكف عن الكتابه

غير في وقفة من احبه فأنا طير الهدادي

لك في افئدت السعوديه مثل مافي فؤادي

بأسمهم اسوق كل الود بأخلاص ورحابه

وبأسمهم اقول لك مبروك ياشاعر بلادي

انت يامشعل يابن محماس مامثلت لابه

انت مثلت السعوديه بلا موقف حيادي

كل ماجاء للوطن لازم وقف راسك صلابه

وجبت لك عصماء تهز الارض وتدك الوتادي

الملوك تصفق لوقفتك عنا بالنيابه

وشاش من يسمعك بالتلفاز ولا بالروادي

وشاش جيشً يجعل ديار العدو ذل وخرابه

لين مايبقى على حد الوطن اي متمادي

ووقع حرفك يوم سليته مثل وقع الهنادي

حي راسً طال هام السحب من اول شبابه

مايخيب اللي ذخر وقفتك لايامه عتادي

حارثي ًطيب ( ن ) راسك وجدانك صحابه

لاغرابه وقفتك دون الوطن وقفة مْفادي

طيب اثرك اللي على العليا حظيظ اللي اقتدابه

ومن تحزم بك يعيش العمر وأيامه عيادي

لك محلً ماقفل دون المسير يوم بابه

ولك قبولً يفرِح الاصحاب ويغيض الاعادي

ولك حجاجً من يناظر فيه يقرا مرحبا به

ولك جنابً من تذرا فيه يبشر بالسدادي

جاتك بيوتً يابو سلطان من شاعر عتابه

عنصريً مع كبار القدر واطوال الايادي